Surah At-Tin
સૂરહ અત્-તીન
સૂરહ અત્-તીન
સૂરહ અત્-તીન (૯૫)
અંજીર
સૂરહ અત્-તીન મક્કામાં નાઝીલ થઇ (ઉતરી) હતી. આ સૂરહ માં આઠ (૮) આયતો અને એક (૧) રૂકૂઅ છે.
સંપૂર્ણ સૂરહની તિલાવત સાંભળવા માટે નીચે આપલે Play બટન પર ક્લિક કરો.
અલ્લાહના નામથી શરૂ કરુ છું જે અત્યંત કૃપાળુ અને દયાળુ છે.
(૧) સોગંદ છે અંજીર અને જેતુનના.
(૨) અને તૂર સીના (સીના પર્વત)ના.
(૩) અને શાંતિ (અમન)વાળા શહેર (મક્કા)ના.[1]
(૪) બેશક અમે માનવીને ખૂબ જ સારા સ્વરૂપમાં પેદા કર્યો.
(૫) પછી તેને નીચાથી નીચો કરી દીધો.[2]
(૬) પરંતુ જે લોકો ઈમાન લાવ્યા અને સારા કામ કર્યા, તો તેમના માટે એવો બદલો છે કે જે ક્યારેય પણ સમાપ્ત નહીં થાય.
(૭) તો તમને હવે બદલાના દિવસને જૂઠાડવા પર કઈ વાત ઉત્સાહિત કરે છે.[3]
(૮) શું અલ્લાહ (તઆલા) બધા હાકેમો (બાદશાહો)નો હાકેમ (બાદશાહ) નથી ? (ع-૧)