Surah Al-Hadid

સૂરહ અલ-હદીદ

રૂકૂ : ૧

આયત ૧ થી ૧૦

بِسْمِ اللّٰهِ الرَّحْمٰنِ الرَّحِيْمِ

શરૂ અલ્લાહના નામથી જે અત્યંત કૃપાળુ અને દયાળુ છે

سَبَّحَ لِلّٰهِ مَا فِی السَّمٰوٰتِ وَ الْاَرْضِ ۚ وَ هُوَ الْعَزِیْزُ الْحَكِیْمُ (1)

(૧) આકાશો અને ધરતીમાં જે કંઈ છે (બધા જ) અલ્લાહની તસ્બીહ કરી રહ્યા છે અને તે શક્તિશાળી, હિકમતવાળો છે.


لَهٗ مُلْكُ السَّمٰوٰتِ وَ الْاَرْضِ ۚ یُحْیٖ وَ یُمِیْتُ ۚ وَ هُوَ عَلٰى كُلِّ شَیْءٍ قَدِیْرٌ (2)

(૨) આકાશો અને ધરતીનું રાજય તેનું જ છે, તે જ જીવન આપે છે અને મૃત્યુ પણ, અને બધી જ વસ્તુ પર સામર્થ્ય (કુદરત) ધરાવે છે.


هُوَ الْاَوَّلُ وَ الْاٰخِرُ وَ الظَّاهِرُ وَ الْبَاطِنُ ۚ وَ هُوَ بِكُلِّ شَیْءٍ عَلِیْمٌ (3)

(૩) તે જ પહેલો છે અને તે જ છેલ્લો, તે જ જાહેર છે અને તે જ છુપાયેલ (ગુપ્ત), અને તે જ દરેક વસ્તુને સારી રીતે જાણનાર છે.


هُوَ الَّذِیْ خَلَقَ السَّمٰوٰتِ وَ الْاَرْضَ فِیْ سِتَّةِ اَیَّامٍ ثُمَّ اسْتَوٰى عَلَى الْعَرْشِ ؕ یَعْلَمُ مَا یَلِجُ فِی الْاَرْضِ وَ مَا یَخْرُجُ مِنْهَا وَ مَا یَنْزِلُ مِنَ السَّمَآءِ وَ مَا یَعْرُجُ فِیْهَا ؕ وَ هُوَ مَعَكُمْ اَیْنَ مَا كُنْتُمْ ؕ وَ اللّٰهُ بِمَا تَعْمَلُوْنَ بَصِیْرٌ (4)

(૪) તે જ છે જેણે આકાશો અને ધરતીને છ દિવસમાં બનાવ્યા, પછી અર્શ પર કાયમ થયો, તે (સારી રીતે)જાણે છે તે વસ્તુને જે ધરતીમાં દાખલ થાય છે અને તેમાંથી નીકળે અને જે આકાશમાંથી નીચે ઉતરે અને જે કંઈ તેના પર ચઢીને તેમાં જાય, અને તમે જ્યાં પણ હોવ તે તમારા સાથે જ છે અને જે કંઈ પણ તમે કરી રહ્યા છો તેને અલ્લાહ જોઈ રહ્યો છે.


لَهٗ مُلْكُ السَّمٰوٰتِ وَ الْاَرْضِ ؕ وَ اِلَى اللّٰهِ تُرْجَعُ الْاُمُوْرُ (5)

(૫) આકાશો અને ધરતીનું રાજ્ય તેનું જ છે, અને બધા જ કામ તેના તરફ રજૂ કરવામાં આવે છે.


یُوْلِجُ الَّیْلَ فِی النَّهَارِ وَ یُوْلِجُ النَّهَارَ فِی الَّیْلِ ؕ وَ هُوَ عَلِیْمٌۢ بِذَاتِ الصُّدُوْرِ (6)

(૬) તે જ રાત્રીને દિવસમાં દાખલ કરે છે અને તે જ દિવસને રાત્રીમાં દાખલ કરે છે, અને દિલોમાં છૂપાયેલ વાતોનું તે સંપૂર્ણ જ્ઞાન ધરાવે છે.


اٰمِنُوْا بِاللّٰهِ وَ رَسُوْلِهٖ وَ اَنْفِقُوْا مِمَّا جَعَلَكُمْ مُّسْتَخْلَفِیْنَ فِیْهِ ؕ فَالَّذِیْنَ اٰمَنُوْا مِنْكُمْ وَ اَنْفَقُوْا لَهُمْ اَجْرٌ كَبِیْرٌ (7)

(૭) અલ્લાહ પર અને તેના રસુલ પર ઈમાન લાઓ અને તે માલમાંથી ખર્ચ કરો જેમાં અલ્લાહે તમને (બીજાના) વારસદાર બનાવ્યા છે, તો તમારામાંથી જે કોઈ ઈમાન લાવે અને ખર્ચ કરે તેમને ખૂબ જ મોટો બદલો મળશે.


وَ مَا لَكُمْ لَا تُؤْمِنُوْنَ بِاللّٰهِ ۚ وَ الرَّسُوْلُ یَدْعُوْكُمْ لِتُؤْمِنُوْا بِرَبِّكُمْ وَ قَدْ اَخَذَ مِیْثَاقَكُمْ اِنْ كُنْتُمْ مُّؤْمِنِیْنَ (8)

(૮) તમે અલ્લાહ પર ઈમાન કેમ નથી લાવતા ? જ્યારે કે રસુલ પોતે તમને અલ્લાહ પર ઈમાન લાવવા માટે આમંત્રણ આપી રહ્યા છે અને જો તમે ઈમાનવાળા છો તો તે તમારાથી પાકો વાયદો પણ લઈ ચૂક્યો છે.


هُوَ الَّذِیْ یُنَزِّلُ عَلٰى عَبْدِهٖۤ اٰیٰتٍۭ بَیِّنٰتٍ لِّیُخْرِجَكُمْ مِّنَ الظُّلُمٰتِ اِلَى النُّوْرِ ؕ وَ اِنَّ اللّٰهَ بِكُمْ لَرَءُوْفٌ رَّحِیْمٌ (9)

(૯) તે (અલ્લાહ) જ છે જે પોતાના બંદા પર સ્પષ્ટ આયતો મોકલે છે જેથી તે તમને અંધકારમાંથી પ્રકાશ તરફ લઈ જાય, બેશક અલ્લાહ (તઆલા) તમારા પર માયાળુ અને દયાળુ છે.


وَ مَا لَكُمْ اَلَّا تُنْفِقُوْا فِیْ سَبِیْلِ اللّٰهِ وَ لِلّٰهِ مِیْرَاثُ السَّمٰوٰتِ وَ الْاَرْضِ ؕ لَا یَسْتَوِیْ مِنْكُمْ مَّنْ اَنْفَقَ مِنْ قَبْلِ الْفَتْحِ وَ قٰتَلَ ؕ اُولٰٓئِكَ اَعْظَمُ دَرَجَةً مِّنَ الَّذِیْنَ اَنْفَقُوْا مِنْۢ بَعْدُ وَ قٰتَلُوْا ؕ وَ كُلًّا وَّعَدَ اللّٰهُ الْحُسْنٰى ؕ وَ اللّٰهُ بِمَا تَعْمَلُوْنَ خَبِیْرٌ ۧ (10)

(૧૦) અને તમને શું થઈ ગયું છે કે તમે અલ્લાહના માર્ગમાં ખર્ચ નથી કરતા ? હકીકતમાં આકાશો અને ધરતીની (બધી) મિલ્કત (વસ્તુઓ)નો માલિક (એકલો) અલ્લાહ જ છે તમારામાંથી જે લોકોએ (મક્કાના) વિજય પહેલા અલ્લાહના માર્ગમાં જે કંઈ પણ આપ્યું છે અને જિહાદ કર્યો છે તેઓ (બીજાના) બરાબર નથી, પરંતુ તેમનાથી ખૂબ ઊંચા દરજ્જા પર છે જેમણે વિજય પછી દાન કર્યું અને જિહાદ કર્યો. હા, ભલાઈનો વાયદો તો અલ્લાહ (તઆલા) નો તે બધાથી જ છે, અને જે કંઈ તમે (લોકો) કરી રહ્યા છો તેને અલ્લાહ જાણે છે. (ع-)