Surah An-Nahl

اَتٰۤى اَمۡرُ اللّٰهِ فَلَا تَسۡتَعۡجِلُوۡهُ​ ؕ سُبۡحٰنَهٗ وَتَعٰلٰى عَمَّا يُشۡرِكُوۡنَ‏ ‏‏۝١

(૧) અલ્લાહ(તઆલા)નો હુકમ આવી પહોંચ્યો, હવે તેની જલ્દી ન મચાવો, તમામ પવિત્રતા તેના માટે છે તે સૌથી ઉચ્ચતર છે તે બધાથી જેને આ લોકો અલ્લાહની નજદીક ભાગીદાર બનાવે છે.

يُنَزِّلُ الۡمَلٰۤٮِٕكَةَ بِالرُّوۡحِ مِنۡ اَمۡرِهٖ عَلٰى مَنۡ يَّشَآءُ مِنۡ عِبَادِهٖۤ اَنۡ اَنۡذِرُوۡۤا اَنَّهٗ لَاۤ اِلٰهَ اِلَّاۤ اَنَا فَاتَّقُوۡنِ‏‏ ‏‏۝٢

(૨) તે જ ફરિશ્તાઓને પોતાની વહી આપી પોતાના હુકમ વડે પોતાના બંદાઓમાંથી જેના પર ચાહે ઉતારે છે કે તમે લોકોને બાખબર કરી દો કે મારા સિવાય બીજો કોઈ બંદગીના લાયક નથી, એટલા માટે તમે મારાથી જ ડરો.

خَلَقَ السَّمٰوٰتِ وَالۡاَرۡضَ بِالۡحَـقِّ​ؕ تَعٰلٰى عَمَّا يُشۡرِكُوۡنَ‏ ‏‏۝٣

(૩) તેણે જ આકાશો અને ધરતીને સચ્ચાઈ સાથે પેદા કર્યા, તે તેનાથી ઉચ્ચતર છે જે મુશરિકો કરે છે.

خَلَقَ الۡاِنۡسَانَ مِنۡ نُّـطۡفَةٍ فَاِذَا هُوَ خَصِيۡمٌ مُّبِيۡنٌ‏ ‏‏۝٤

(૪) તેણે મનુષ્યને વીર્યમાંથી પેદા કર્યો પછી તે સ્પષ્ટપણે ઝઘડાખોર બની બેઠો.

وَالۡاَنۡعَامَ خَلَقَهَا​ ۚ لَـكُمۡ فِيۡهَا دِفۡ ٴٌ وَّمَنَافِعُ وَمِنۡهَا تَاۡكُلُوۡنَ‏‏‏ {ص}‏‏۝٥

(૫) તેણે જાનવર પેદા કર્યા, જેમાં તમારા માટે ગરમીના કપડા છે, અને બીજા પણ ઘણા બધા ફાયદાઓ છે, અને કેટલાક તમારા ખાવા માટે કામ આવે છે.

وَلَكُمۡ فِيۡهَا جَمَالٌ حِيۡنَ تُرِيۡحُوۡنَ وَحِيۡنَ تَسۡرَحُوۡنَ‏ ‏{ص} ‏۝٦

(૬) અને તેમાં તમારી શોભા પણ છે જયારે ચરાવીને લાવો ત્યારે પણ અને જયારે ચરાવવા માટે લઈ જાઓ ત્યારે પણ.

وَتَحۡمِلُ اَثۡقَالَـكُمۡ اِلٰى بَلَدٍ لَّمۡ تَكُوۡنُوۡا بٰلِغِيۡهِ اِلَّا بِشِقِّ الۡاَنۡفُسِ​ؕ اِنَّ رَبَّكُمۡ لَرَءُوۡفٌ رَّحِيۡمٌۙ‏‏ ‏‏۝٧

(૭) અને તે તમારા ભાર તે શહેરો સુધી ઉઠાવીને લઈ જાય છે જ્યાં તમે અધમૂઆ થયા વગર પહોંચી શકતા નથી, બેશક તમારો રબ ખૂબ દયાળુ અને મહેરબાન છે.