Surah Ash-Shams

સૂરહ શ્-શમ્સ

આયત : ૧૫ | રૂકૂ : ૧

સૂરહશ્-શમ્સ (૯)

સૂર્ય

સૂરહશ્-શમ્સ મક્કામાં નાઝીલ થઇ (ઉતરી) હતી. આ સૂરહ માં પંદર (૧૫) આયતો અને એક (૧) રૂકૂઅ છે.

بِسْمِ اللّٰهِ الرَّحْمٰنِ الرَّحِيْمِ

શરૂ અલ્લાહના નામથી જે અત્યંત કૃપાળુ અને દયાળુ છે

وَ الشَّمْسِ وَ ضُحٰىهَا {ۙص} (1)

(૧) સોગંદ છે સૂર્યના અને તેના તડકાના.


وَ الْقَمَرِ اِذَا تَلٰىهَا {ۙص} (2)

(૨) સોગંદ છે ચંદ્રના જ્યારે તેના (સૂર્યના) પાછળ આવે.


وَ النَّهَارِ اِذَا جَلّٰىهَا {ۙص} (3)

(૩) સોગંદ છે દિવસના જ્યારે સૂર્યને સ્પષ્ટ કરે.


وَ الَّیْلِ اِذَا یَغْشٰىهَا {ۙص} (4)

(૪) સોગંદ છે રાત્રીના જ્યારે તેને ઢાંકી લે.


وَ السَّمَآءِ وَ مَا بَنٰىهَا {ۙص} (5)

(૫) સોગંદ છે આકાશના અને તેના બનાવનારના.


وَ الْاَرْضِ وَ مَا طَحٰىهَا {ۙص} (6)

(૬) સોગંદ છે ધરતીના અને તેને બરાબર કરનારના.


وَ نَفْسٍ وَّ مَا سَوّٰىهَا {ۙص} (7)

(૭) સોગંદ છે આત્મા (રૂહ)ના અને તેનો સુધાર કરનાર ના.


فَاَلْهَمَهَا فُجُوْرَهَا وَ تَقْوٰىهَا {ۙص} (8)

(૮) પછી તેણે તેને સમજ આપી ગુનાહની અને તેનાથી બચવાની.


قَدْ اَفْلَحَ مَنْ زَكّٰىهَا {ۙص} (9)

(૯) જેણે તેને પવિત્ર કરી લીધી તે સફળ થઈ ગયો.


وَ قَدْ خَابَ مَنْ دَسّٰىهَا ؕ (10)

(૧૦) અને જેણે તેને માટીમાં રગદોળી નાખી તે નિષ્ફળ થઈ ગયો.


كَذَّبَتْ ثَمُوْدُ بِطَغْوٰىهَاۤ {ۙص} (11)

(૧૧) સમૂદે પોતાના વિદ્રોહ (સરકશી)ના કારણે જૂઠાડ્યું.


اِذِ انْۢبَعَثَ اَشْقٰىهَا {ۙص} (12)

(૧૨) જ્યારે તેમનામાંથી મોટો દુર્ભગ્યશાળી (બદનસીબ) ઊભો થઈ ગયો.


فَقَالَ لَهُمْ رَسُوْلُ اللّٰهِ نَاقَةَ اللّٰهِ وَ سُقْیٰهَا ؕ (13)

(૧૩) તેમને અલ્લાહના રસૂલે કહી દીધું હતુ કે અલ્લાહ (તઆલા)ની ઊંટણી અને તેના પાણી પીવાના વારાની (સુરક્ષા કરો).


فَكَذَّبُوْهُ فَعَقَرُوْهَا {٥ ۙص} فَدَمْدَمَ عَلَیْهِمْ رَبُّهُمْ بِذَنْۢبِهِمْ فَسَوّٰىهَا {ۙص} (14)

(૧૪) તે લોકોએ પોતાના રસૂલોને જૂઠા સમજીને તે ઊંટણીને મારી નાંખી? તો તેમના રબે તેમના ગુનાહોના કારણે તેમના ઉપર વિનાશ નાખી દીધો અને પછી વિનાશને તમામ લોકોના માટે કરી દીધો અને વસ્તીને બરાબર કરી દીધી.


وَ لَا یَخَافُ عُقْبٰهَا ۧ (15)

(૧૫) તે (અલ્લાહ) આ પ્રકોપ (અઝાબ) ના પરિણામથી નિર્ભય છે. (ع-)