Surah Ali 'Imran

وَإِذْ قَالَتِ الْمَلَائِكَةُ يَا مَرْيَمُ إِنَّ اللَّهَ اصْطَفَاكِ وَطَهَّرَكِ وَاصْطَفَاكِ عَلَىٰ نِسَاءِ الْعَالَمِينَ (42)

(૪૨) અને જ્યારે ફરિશ્તાઓએ કહ્યું, અય મરયમ! અલ્લાહ (તઆલા)એ તને પસંદ કરી લીધી અને તને પવિત્ર કરી દીધી, અને દુનિયાની તમામ સ્ત્રીઓમાંથી તને ચૂંટી લીધી.

يَا مَرْيَمُ اقْنُتِي لِرَبِّكِ وَاسْجُدِي وَارْكَعِي مَعَ الرَّاكِعِينَ (43)

(૪૩) અય મરયમ! તું પોતાના રબના હુકમોનું પાલન કર અને સિજદો કર અને રુકૂઅ કરનારાઓની સાથે રુકૂઅ કર.

ذٰلِکَ مِنۡ اَنۡۢبَآءِ الۡغَیۡبِ نُوۡحِیۡہِ اِلَیۡکَ ؕ وَ مَا کُنۡتَ لَدَیۡہِمۡ اِذۡ یُلۡقُوۡنَ اَقۡلَامَہُمۡ اَیُّہُمۡ یَکۡفُلُ مَرۡیَمَ ۪ وَ مَا کُنۡتَ لَدَیۡہِمۡ اِذۡ یَخۡتَصِمُوۡنَ (44)

(૪૪) આ ગૈબની ખબરોમાંથી છે, જેને અમે તમને વહી કરી રહ્યા છે, ત્યારે તમે તે વખતે તેમના પાસે ન હતા જયારે તેઓ પોતાના કલમ નાખી રહ્યા હતા કે તેમનામાંથી મરયમની પરવરિશ કોણ કરશે? અને ન તમે તેમના ઝઘડા વખતે તેમના પાસે હતા.

إِذْ قَالَتِ الْمَلَائِكَةُ يَا مَرْيَمُ إِنَّ اللَّهَ يُبَشِّرُكِ بِكَلِمَةٍ مِّنْهُ اسْمُهُ الْمَسِيحُ عِيسَى ابْنُ مَرْيَمَ وَجِيهًا فِي الدُّنْيَا وَالْآخِرَةِ وَمِنَ الْمُقَرَّبِينَ (45)

(૪૫) જયારે ફરિશ્તાઓએ કહ્યું અય મરયમ તને અલ્લાહ (તઆલા) પોતાના એક કલિમા ની ખુશખબર આપે છે જેનું નામ મસીહ ઈસા ઈબ્ને મરયમ છે. જે દુનિયા અને આખિરતમાં સન્માનિત છે અને તે મારા નિકટવર્તી લોકોમાંથી છે.

وَيُكَلِّمُ النَّاسَ فِي الْمَهْدِ وَكَهْلًا وَمِنَ الصَّالِحِينَ (46)

(૪૬) તે લોકોથી પારણામાં વાત કરશે અને આધેડ વયમાં પણ, અને તે નેક પુરૂષો (સદાચારીઓ) માંથી હશે.

قَالَتْ رَبِّ أَنَّىٰ يَكُونُ لِي وَلَدٌ وَلَمْ يَمْسَسْنِي بَشَرٌ ۖ قَالَ كَذَٰلِكِ اللَّهُ يَخْلُقُ مَا يَشَاءُ ۚ إِذَا قَضَىٰ أَمْرًا فَإِنَّمَا يَقُولُ لَهُ كُن فَيَكُونُ (47)

(૪૭) કહેવા લાગી, “મારા રબ! મને પુત્ર કેવી રીતે થશે? જ્યારે કે મને કોઈ પુરૂષે સ્પર્શ પણ નથી કર્યો?” ફરિશ્તાઓએ કહ્યું, આ રીતે અલ્લાહ (તઆલા) જે ઈચ્છે પેદા કરે છે, જયારે પણ તે કોઈ કામ કરવા ઈચ્છે છે તો ફકત કહી દે છે “થઈ જા” તો તે થઈ જાય છે.

وَيُعَلِّمُهُ الْكِتَابَ وَالْحِكْمَةَ وَالتَّوْرَاةَ وَالْإِنجِيلَ (48)

(૪૮) અને અલ્લાહ (તઆલા) તેને લખવાનું અને હિકમત અને તૌરાત તથા ઈન્જીલ શિખવશે.

وَرَسُولًا إِلَىٰ بَنِي إِسْرَائِيلَ أَنِّي قَدْ جِئْتُكُم بِآيَةٍ مِّن رَّبِّكُمْ ۖ أَنِّي أَخْلُقُ لَكُم مِّنَ الطِّينِ كَهَيْئَةِ الطَّيْرِ فَأَنفُخُ فِيهِ فَيَكُونُ طَيْرًا بِإِذْنِ اللَّهِ ۖ وَأُبْرِئُ الْأَكْمَهَ وَالْأَبْرَصَ وَأُحْيِي الْمَوْتَىٰ بِإِذْنِ اللَّهِ ۖ وَأُنَبِّئُكُم بِمَا تَأْكُلُونَ وَمَا تَدَّخِرُونَ فِي بُيُوتِكُمْ ۚ إِنَّ فِي ذَٰلِكَ لَآيَةً لَّكُمْ إِن كُنتُم مُّؤْمِنِينَ (49)

(૪૯) અને તે ઈસરાઈલની સંતાનનો રસૂલ હશે કે હું તમારા પાસે તમારા રબની નિશાની લાવ્યો છું, હું તમારા માટે પક્ષીના રૂપ જેવું જ માટીનું પૂતળું બનાવું છું, પછી તેમાં ફૂંક મારૂ છું, તો તે અલ્લાહ (તઆલા)ના હુકમથી પક્ષી બની જાય છે અને હું અલ્લાહ (તઆલા)ના હુકમથી જન્મજાત આંધળા અને કુષ્ઠરોગીને સાજો કરી દઉં છું અને મડદાઓને જીવતા કરી દઉં છું અને જે કંઈ તમે ખાઓ અને જે કંઈ પણ તમે તમારા ઘરોમાં જમા કરો હું તમને બતાવી દઉં છું, આમાં તમારા માટે મોટી નિશાની છે જો તમે ઈમાનવાળા છો.

وَمُصَدِّقًا لِّمَا بَيْنَ يَدَيَّ مِنَ التَّوْرَاةِ وَلِأُحِلَّ لَكُم بَعْضَ الَّذِي حُرِّمَ عَلَيْكُمْ ۚ وَجِئْتُكُم بِآيَةٍ مِّن رَّبِّكُمْ فَاتَّقُوا اللَّهَ وَأَطِيعُونِ (50)

(૫૦) અને હું તૌરાતનું સર્મથન કરનાર છું જે મારા સામે છે, અને હું એટલા માટે આવ્યો છું કે તમારા પર કેટલીક વસ્તુને હલાલ કરૂં જે તમારા પર હરામ કરી દેવામાં આવી છે, અને હું તમારી પાસે તમારા રબની નિશાની લાવ્યો છું એટલા માટે તમે અલ્લાહ (તઆલા)થી ડરો અને મારૂ જ અનુસરણ કરો.

إِنَّ اللَّهَ رَبِّي وَرَبُّكُمْ فَاعْبُدُوهُ ۗ هَٰذَا صِرَاطٌ مُّسْتَقِيمٌ (51)

(૫૧) યકીન કરો! કે મારો અને તમારો રબ અલ્લાહ જ છે, તમે બધા તેની બંદગી કરો, આ સીધો રસ્તો છે.

فَلَمَّا أَحَسَّ عِيسَىٰ مِنْهُمُ الْكُفْرَ قَالَ مَنْ أَنصَارِي إِلَى اللَّهِ ۖ قَالَ الْحَوَارِيُّونَ نَحْنُ أَنصَارُ اللَّهِ آمَنَّا بِاللَّهِ وَاشْهَدْ بِأَنَّا مُسْلِمُونَ (52)

(૫૨) પરંતુ જયારે (હજરત) ઈસા (અ.સ.) તેમના ઈન્કાર થી વાકેફ થઈ ગયા ત્યારે કહ્યું કે, “અલ્લાહ (તઆલા) ના માર્ગમાં મારી મદદ કરવાવાળા કોણ કોણ છે?” હવારિયોએ જવાબ આપ્યો કે અમે અલ્લાહ (તઆલા)ના માર્ગમાં સહાયક છીએ, અમે અલ્લાહ (તઆલા) ૫૨ ઈમાન લાવ્યા અને તમે ગવાહ રહેજો કે અમે મુસલમાન છીએ.

رَبَّنَا آمَنَّا بِمَا أَنزَلْتَ وَاتَّبَعْنَا الرَّسُولَ فَاكْتُبْنَا مَعَ الشَّاهِدِينَ (53)

(૫૩) હે અમારા રબ! અમે તારી ઉતારેલી વહી (ઈશવાણી) ૫૨ ઈમાન લાવ્યા અને અમે તારા રસૂલનું અનુસરણ કર્યુ, બસ હવે તું અમોને ગવાહોમાં લખી લે.

وَمَكَرُوا وَمَكَرَ اللَّهُ ۖ وَاللَّهُ خَيْرُ الْمَاكِرِينَ (54)

(૫૪) અને કાફિરોએ ગુપ્ત યોજના કરી અને અલ્લાહ (તઆલા)એ પણ યોજના બનાવી અને અલ્લાહ (તઆલા) બધા યોજનાકારોથી સારો છે.