સૂરહ આલે ઈમરાન (૩)

ઈમરાનનો વંશ

સૂરહ આલે ઈમરાન[1]  મદીના માં નાઝિલ થઇ (ઉતરી) હતી. આ સૂરહ માં બસો (૨૦૦) આયતો અને વીસ (૨૦) રૂકૂઅ છે. 

[1]  આ સૂરહ મદની છે. તેની બધીજ આયતો જુદા-જુદા સમયમાં મદીનામાં જ ઉતરી અને તેનો શરૂઆતનો ભાગ એટલે કે 83 આયતો સુધી ઈસાઈઓના નજરાનના પ્રતિનિધિ મંડળ (આ શહેર હવે સઉદી અરબમાં છે)ના વિષે ઉતર્યો છે, જે 9 હિજરીમાં નબી (ﷺ) ની સેવામાં હાજર થયુ હતું. ઈસાઈઓએ આવીને નબી કરીમ (ﷺ)  થી પોતાના ઈસાઈ અકીદા અને ઈસ્લામ વિષે વાદ-વિવાદ કર્યો જેને રદ કરી તેઓને મુબાહિલા (એક રીત છે જેના અનુસાર કસમ ખાઈને પોતાની વાત કહેવામાં આવે  છે) ની દાવત પણ આપવામાં આવી. જેનું વિસ્તૃતમાં વર્ણન આગળ આવશે, આ પૃષ્ઠભૂમિમાં કુરઆન કરીમની આ આયતોનો અભ્યાસ કરવામાં આવશે.