Surah Luqman

સૂરહ લૂકમાન

રૂકૂઅ : ૧

આયત ૧ થી ૧૧

بِسْمِ اللّٰهِ الرَّحْمٰنِ الرَّحِيْمِ

શરૂ અલ્લાહના નામથી જે અત્યંત કૃપાળુ અને દયાળુ છે

الٓمّٓۚ (1)

(૧) અલિફ. લામ. મીમ.


تِلْكَ اٰیٰتُ الْكِتٰبِ الْحَكِیْمِۙ (2)

(૨) આ હિકમતવાળી કિતાબની આયતો છે.


هُدًى وَّ رَحْمَةً لِّلْمُحْسِنِیْنَۙ (3)

(૩) જે પરહેઝગારો માટે માર્ગદર્શન અને કૃપા છે.


الَّذِیْنَ یُقِیْمُوْنَ الصَّلٰوةَ وَ یُؤْتُوْنَ الزَّكٰوةَ وَ هُمْ بِالْاٰخِرَةِ هُمْ یُوْقِنُوْنَؕ (4)

(૪) જેઓ પાબંદીથી નમાઝ પઢે છે અને ઝકાત આપે છે અને આખિરત પર વિશ્વાસ રાખે છે.


اُولٰٓئِكَ عَلٰى هُدًى مِّنْ رَّبِّهِمْ وَ اُولٰٓئِكَ هُمُ الْمُفْلِحُوْنَ (5)

(૫) તેઓજ પોતાના રબ તરફથી હિદાયત પર છે અને તેઓજ સફળતા પ્રાપ્ત કરવાવાળા છે.


وَ مِنَ النَّاسِ مَنْ یَّشْتَرِیْ لَهْوَ الْحَدِیْثِ لِیُضِلَّ عَنْ سَبِیْلِ اللّٰهِ بِغَیْرِ عِلْمٍ{ ۖق } وَّ یَتَّخِذَهَا هُزُوًا ؕ اُولٰٓئِكَ لَهُمْ عَذَابٌ مُّهِیْنٌ (6)

(૬) અને કેટલાક લોકો એવા પણ છે જે અનાયાસે (લગ્વ) વાતોમાં લાગી જાય છે જેથી અજ્ઞાનતા સાથે લોકોને અલ્લાહના માર્ગથી ભટકાવે અને તેને મજાક બનાવે, આ જ તે લોકો છે જેમના માટે અપમાનિત કરનાર અઝાબ છે.


وَ اِذَا تُتْلٰى عَلَیْهِ اٰیٰتُنَا وَلّٰى مُسْتَكْبِرًا كَاَنْ لَّمْ یَسْمَعْهَا كَاَنَّ فِیْۤ اُذُنَیْهِ وَقْرًا ۚ فَبَشِّرْهُ بِعَذَابٍ اَلِیْمٍ (7)

(૭) અને જ્યારે તેના સામે અમારી આયતોનું પઠન કરવામાં આવે છે ત્યારે ઘમંડ સાથે એવી રીતે મોઢું ફેરવી લે છે, જાણે કે તેણે સાંભળ્યું જ નથી. જાણે કે તેના કાન બહેરા છે, તમે તેને સખત સજાની ખબર આપી દો.


اِنَّ الَّذِیْنَ اٰمَنُوْا وَ عَمِلُوا الصّٰلِحٰتِ لَهُمْ جَنّٰتُ النَّعِیْمِۙ (8)

(૮) બેશક જે લોકોએ ઈમાન કબૂલ કર્યુ અને કામ પણ નેક (સુન્નત મુજબ) કર્યા, તેમના માટે ને'મતોવાળી જન્નત છે.


خٰلِدِیْنَ فِیْهَا ؕ وَعْدَ اللّٰهِ حَقًّا ؕ وَ هُوَ الْعَزِیْزُ الْحَكِیْمُ (9)

(૯) જેમાં તેઓ હંમેશા રહેશે, અલ્લાહનો વાયદો સાચો છે, તે પ્રભુત્વશાળી અને સંપૂર્ણ હિકમતવાળો છે.


خَلَقَ السَّمٰوٰتِ بِغَیْرِ عَمَدٍ تَرَوْنَهَا وَ اَلْقٰى فِی الْاَرْضِ رَوَاسِیَ اَنْ تَمِیْدَ بِكُمْ وَ بَثَّ فِیْهَا مِنْ كُلِّ دَآبَّةٍ ؕ وَ اَنْزَلْنَا مِنَ السَّمَآءِ مَآءً فَاَنْۢبَتْنَا فِیْهَا مِنْ كُلِّ زَوْجٍ كَرِیْمٍ (10)

(૧૦) તેણે જ આકાશોને સ્તંભ વગર બનાવ્યા છે, તમે તેને જોઈ રહ્યા છો અને તેણે ધરતી પર પર્વતો જમાવી દીધા જેથી તે તમને હલાવી ન શકે, અને દરેક પ્રકારના જીવોને ધરતી પર ફેલાવી દીધા અને તેણે આકાશમાંથી પાણી વરસાવીને ધરતીમાંથી દરેક પ્રકારના સુંદર જોડા ઉગાડ્યા.


هٰذَا خَلْقُ اللّٰهِ فَاَرُوْنِیْ مَا ذَا خَلَقَ الَّذِیْنَ مِنْ دُوْنِهٖ ؕ بَلِ الظّٰلِمُوْنَ فِیْ ضَلٰلٍ مُّبِیْنٍ ۧ (11)

(૧૧) આ છે અલ્લાહની સૃષ્ટિ, હવે તમે મને આના સિવાય બીજા કોઈની સૃષ્ટિ હોય તો બતાવો, (કશું નહિ) આ જાલિમો સ્પષ્ટ ગુમરાહીમાં છે. (ع-)