Surah An-Nahl

وَلِلّٰهِ غَيۡبُ السَّمٰوٰتِ وَالۡاَرۡضِ​ؕ وَمَاۤ اَمۡرُ السَّاعَةِ اِلَّا كَلَمۡحِ الۡبَصَرِ اَوۡ هُوَ اَقۡرَبُ​ؕ اِنَّ اللّٰهَ عَلٰى كُلِّ شَىۡءٍ قَدِيۡرٌ‏ ‏‏‏۝٧٧

(૭૭) અને આકાશો અને ધરતીના ગૈબનું ઈલ્મ તો ફક્ત અલ્લાહને જ છે અને કયામતની વાત તો એવી છે જેવી કે આંખનો પલકારો, બલ્કે એનાથી પણ વધારે નજીક, બેશક અલ્લાહ (તઆલા) દરેક વસ્તુ પર સામર્થ્ય ધરાવે છે.

وَاللّٰهُ اَخۡرَجَكُمۡ مِّنۡۢ بُطُوۡنِ اُمَّهٰتِكُمۡ لَا تَعۡلَمُوۡنَ شَيۡـــًٔا ۙ وَّ جَعَلَ لَـكُمُ السَّمۡعَ وَالۡاَبۡصٰرَ وَالۡاَفۡـِٕدَةَ​ ۙ لَعَلَّكُمۡ تَشۡكُرُوۡنَ‏ ‏‏‏۝٧٨

(૭૮) અને અલ્લાહ (તઆલા)એ તમને તમારી માતાઓના પેટમાંથી કાઢ્યા છે કે તે સમયે તમે કશું પણ જાણતા ન હતા, તેણે જ તમારા કાન અને આંખો અને દિલ બનાવ્યા કે તમે આભાર માનો.

اَلَمۡ يَرَوۡا اِلَى الطَّيۡرِ مُسَخَّرٰتٍ فِىۡ جَوِّ السَّمَآءِ ؕ مَا يُمۡسِكُهُنَّ اِلَّا اللّٰهُ​ؕ اِنَّ فِىۡ ذٰ لِكَ لَاٰيٰتٍ لِّقَوۡمٍ يُّؤۡمِنُوۡنَ‏‏ ‏‏‏۝٧٩

(૭૯) શું આ લોકોએ પક્ષીઓને નથી જોતા કે હુકમ મુજબ બંધાયેલા આકાશમાં છે, જેમને અલ્લાહ સિવાય કોઈ બીજો ટેકવી નથી રાખતો, બેશક આમાં ઈમાનવાળાઓ માટે મોટી નિશાનીઓ છે.

وَاللّٰهُ جَعَلَ لَـكُمۡ مِّنۡۢ بُيُوۡتِكُمۡ سَكَنًا وَّجَعَلَ لَـكُمۡ مِّنۡ جُلُوۡدِ الۡاَنۡعَامِ بُيُوۡتًا تَسۡتَخِفُّوۡنَهَا يَوۡمَ ظَعۡنِكُمۡ وَيَوۡمَ اِقَامَتِكُمۡ​ۙ وَمِنۡ اَصۡوَافِهَا وَاَوۡبَارِهَا وَاَشۡعَارِهَاۤ اَثَاثًا وَّمَتَاعًا اِلٰى حِيۡنٍ‏‏ ‏‏‏۝٨٠

(૮૦) અને અલ્લાહ (તઆલા)એ તમારા માટે તમારા ઘરોમાં શાંતિ પ્રાપ્ત કરવાની જગ્યા બનાવી દીધી છે, અને તેણે તમારા માટે જાનવરોના ચામડામાંથી ઘર બનાવી દીધા છે, જેને તમે હલકા પામો છો પોતાના પ્રસ્‍થાનના દિવસે અને પોતાના પડાવના દિવસે પણ, અને તેમના ઊન, રુંવાટી અને વાળમાંથી પણ તેણે ઘણી બધી વસ્તુઓ બનાવી દીધી એક નિશ્ચિત સમય સુધીના ફાયદા માટે.

وَاللّٰهُ جَعَلَ لَـكُمۡ مِّمَّا خَلَقَ ظِلٰلًا وَّجَعَلَ لَـكُمۡ مِّنَ الۡجِبَالِ اَكۡنَانًا وَّجَعَلَ لَـكُمۡ سَرَابِيۡلَ تَقِيۡكُمُ الۡحَـرَّ وَسَرَابِيۡلَ تَقِيۡكُمۡ بَاۡسَكُمۡ​ؕ كَذٰلِكَ يُتِمُّ نِعۡمَتَهٗ عَلَيۡكُمۡ لَعَلَّكُمۡ تُسۡلِمُوۡنَ‏‏‏ ‏‏‏۝٨١

(૮૧) અને અલ્લાહે જ તમારા માટે પોતાની પેદા કરેલી વસ્તુઓમાંથી છાંયડો બનાવ્યો છે, અને તેણે તમારા માટે પહાડોમાં ગુફાઓ બનાવી છે, અને તેણે તમારા માટે કપડાં બનાવ્યા છે જે તમને ગરમીથી બચાવે છે, અને એવા કવચ પણ જે તમને લડાઈના સમયે કામ આવે. તે આ રીતે પોતાની પૂરેપૂરી ને'મત પ્રદાન કરી રહ્યો છે કે તમે આજ્ઞાંકિત બની જાઓ.

فَاِنۡ تَوَلَّوۡا فَاِنَّمَا عَلَيۡكَ الۡبَلٰغُ الۡمُبِيۡنُ‏ ‏‏‏۝٨٢

(૮૨) પછી પણ જો આ લોકો મોઢું ફેરવે તો તમારા પર ફક્ત સ્પષ્ટ રીતે સંદેશો પહોંચાડી દેવાનું છે.

يَعۡرِفُوۡنَ نِعۡمَتَ اللّٰهِ ثُمَّ يُنۡكِرُوۡنَهَا وَاَكۡثَرُهُمُ الۡكٰفِرُوۡنَ‏ ‏‏‏۝٨٣ع

(૮૩) આ લોકો અલ્લાહની ને'મત જાણે છે પછી પણ તેનો ઈન્કાર કરે છે બલ્કે તેમનામાંથી મોટા ભાગના સત્યને માનવા તૈયાર નથી. (ع-૧૧)