(૫૨) અને અમે મૂસાને વહી (પ્રકાશના) મોકલી કે, “રાતો રાત મારા બંદાઓને લઈને નીકળી જાઓ, તમારો પીછો કરવામાં આવશે.”[1]
(૫૩) ફિરઔને નગરોમાં જમા કરવાવાળાઓને મોકલી દીધા.
(૫૪) કે બેશક આ જૂથ ઘણી ઓછી સંખ્યામાં છે.[1]
(૫૫) અને તેના પર તેઓ અમને વધારે ક્રોધિત કરી રહ્યા છે.
(૫૬) અને બેશક અમે મોટી સંખ્યામાં છીએ, તેમનાથી સાવધાન રહેવાવાળા.
(૫૭) અને અમે તેમને બાગો અને ઝરણાઓમાંથી બહાર કાઢી લાવ્યા.
(૫૮) અને ખજાનાઓ અને શ્રેષ્ઠ રહેઠાણોમાંથી.
(૫૯) આ રીતે થયું, અને અમે તે (તમામ વસ્તુઓ)ના વારસદાર ઈસરાઈલની સંતાનને બનાવી દીધા.
(૬૦) છેવટે ફિરઔનના પેરોકારો સૂર્ય નીકળતાં જ તેમનો પીછો કરવા માટે નીકળી પડ્યા.
(૬૧) છેવટે જ્યારે બંનેએ એકબીજાને જોઈ લીધા તો મૂસાના સાથીઓએ કહ્યું કે, “બેશક આપણે તો પકડાઈ ગયા.”
(૬૨) (મૂસાએ) કહ્યું, “કદાપિ નહિ, વિશ્વાસ રાખો, મારો રબ મારા સાથે છે જે જરૂર મને રસ્તો દેખાડશે.”
(૬૩) અમે મૂસા તરફ વહી મોકલી કે, “સમુદ્રના પાણી પર પોતાની લાઠી મારો”, તો તે સમયે સમુદ્ર ફાટી ગયો અને દરેક ભાગ પાણીના મોટા પર્વત બરાબર થઈ ગયો.[1]
(૬૪) અને અમે તે જગ્યા ઉપર બીજાઓને નજીક લાવી ઊભા કરી દીધા.
(૬૫) અને મૂસાને તથા તેના તમામ સાથીઓને બચાવી લીધા.
(૬૬) પછી બીજા બધાને ડૂબાડી દીધા
(૬૭) બેશક આમાં મોટી નિશાની છે પરંતુ આ લોકોમાંથી મોટાભાગના ઈમાનવાળા નથી.
(૬૮) અને બેશક તમારો રબ મોટો પ્રભુત્વશાળી અને દયાળુ છે. (ع-૪)