Surah Al-Qasas

تِلْكَ الدَّارُ الْاٰخِرَةُ نَجْعَلُهَا لِلَّذِیْنَ لَا یُرِیْدُوْنَ عُلُوًّا فِی الْاَرْضِ وَ لَا فَسَادًا ؕ وَ الْعَاقِبَةُ لِلْمُتَّقِیْنَ (83)

(૮૩) આખિરતનું આ ઘર અમે તેમના માટે નિશ્ચિત કરી દઈએ છીએ જેઓ ધરતી પર ઘમંડ અને અભિમાન નથી કરતા, ન ફસાદની ઈચ્છા રાખે છે, અને પરહેઝગારો (સંયમીઓ) ના માટે ઘણો સારો બદલો છે.

مَنْ جَآءَ بِالْحَسَنَةِ فَلَهٗ خَیْرٌ مِّنْهَا ۚ  وَ مَنْ جَآءَ بِالسَّیِّئَةِ فَلَا یُجْزَى الَّذِیْنَ عَمِلُوا السَّیِّاٰتِ اِلَّا مَا كَانُوْا یَعْمَلُوْنَ (84)

(૮૪) જે વ્યક્તિ કોઈ ભલાઈ લાવશે તેના માટે તેનાથી બહેતર ભલાઈ મળશે, અને જે વ્યક્તિ બૂરાઈ લઈને આવશે તો બૂરાઈ કરનારાઓને એવો જ બદલો આપવામાં આવશે જેવા કૃત્યો તેઓ કરતા હતા.

اِنَّ الَّذِیْ فَرَضَ عَلَیْكَ الْقُرْاٰنَ لَرَآدُّكَ اِلٰى مَعَادٍ ؕ  قُلْ رَّبِّیْۤ اَعْلَمُ مَنْ جَآءَ بِالْهُدٰى وَ مَنْ هُوَ فِیْ ضَلٰلٍ مُّبِیْنٍ (85)

(૮૫) જેણે (અલ્લાહે) તમારા પર કુરઆન ઉતાર્યુ છે તે તમને ફરીથી પહેલાની જગ્યા પર લાવવાનો છે, કહી દો કે, “મારો રબ તેમને પણ સારી રીતે જાણે છે જેઓ હિદાયત પામેલા છે અને તેમને પણ જેઓ સ્પષ્ટ ગુમરાહીમાં છે.”

وَ مَا كُنْتَ تَرْجُوْۤا اَنْ یُّلْقٰۤى اِلَیْكَ الْكِتٰبُ اِلَّا رَحْمَةً مِّنْ رَّبِّكَ فَلَا تَكُوْنَنَّ ظَهِیْرًا لِّلْكٰفِرِیْنَ {ز} (86)

(૮૬) અને તમે તો કદી વિચાર્યુ પણ ન હતુ કે તમારા તરફ કિતાબ ઉતારવામાં આવશે, પરંતુ આ તમારા રબની કૃપાથી (ઉતરી), હવે તમારે કદી કાફિરોના સહાયક ન થવું જોઈએ.

وَ لَا یَصُدُّنَّكَ عَنْ اٰیٰتِ اللّٰهِ بَعْدَ اِذْ اُنْزِلَتْ اِلَیْكَ وَ ادْعُ اِلٰى رَبِّكَ وَ لَا تَكُوْنَنَّ مِنَ الْمُشْرِكِیْنَۚ (87)

(૮૭) (ધ્યાન રહે કે) આ કાફિરો તમને અલ્લાહ (તઆલા)ની આયતોના પ્રચાર કરવાથી રોકી ન દે, એના પછી કે તમારા તરફ ઉતારી દેવામાં આવે, તો પોતાના રબ તરફ બોલાવતા રહો અને શિર્ક કરનારાઓ (મુશરિકો)માંથી ન થાઓ.

وَ لَا تَدْعُ مَعَ اللّٰهِ اِلٰهًا اٰخَرَ ۘ  لَاۤ اِلٰهَ اِلَّا هُوَ{قف} كُلُّ شَیْءٍ هَالِكٌ اِلَّا وَجْهَهٗ ؕ  لَهُ الْحُكْمُ وَ اِلَیْهِ تُرْجَعُوْنَ ۧ (88)

(૮૮) અને અલ્લાહ (તઆલા)ના સાથે કોઈ બીજા મા'બૂદને ન પોકારતા, અલ્લાહ (તઆલા)ના સિવાય બીજો કોઈ બંદગીને લાયક નથી, પ્રત્યેક વસ્તુ નાશવંત છે પરંતુ તેનું મોઢું, તેનું શાસન છે અને તમે તેના તરફ પાછા ફેરવવામાં આવશો. (ع-૯)