Surah Al-Anbya

સૂરહ અલ-અંબિયા

રૂકૂઅ : ૪

આયત ૪૨ થી ૫૦

قُلْ مَنْ یَّكْلَؤُكُمْ بِالَّیْلِ وَ النَّهَارِ مِنَ الرَّحْمٰنِ ؕ بَلْ هُمْ عَنْ ذِكْرِ رَبِّهِمْ مُّعْرِضُوْنَ (42)

(૪૨) તેમને પૂછો કે, “રહમાન (કૃપાળુ) થી રાત-દિવસ તમારી રક્ષા કોણ કરી શકે છે ? બલ્કે આ લોકો પોતાના રબનો ઝિક્ર કરવાથી ફરેલા છે.


اَمْ لَهُمْ اٰلِهَةٌ تَمْنَعُهُمْ مِّنْ دُوْنِنَا ؕ لَا یَسْتَطِیْعُوْنَ نَصْرَ اَنْفُسِهِمْ وَ لَا هُمْ مِّنَّا یُصْحَبُوْنَ (43)

(૪૩) શું અમારા સિવાય તેમના કોઈ બીજા મા'બૂદ છે જે તેમને મુસીબતથી બચાવતા હોય ? કોઈ પણ પોતે પોતાની મદદ કરવાની તાકાત નથી ધરાવતા, અને ન કોઈને અમારા તરફથી સાથ આપવામાં આવે છે.


بَلْ مَتَّعْنَا هٰۤؤُلَآءِ وَ اٰبَآءَهُمْ حَتّٰى طَالَ عَلَیْهِمُ الْعُمُرُ ؕ اَفَلَا یَرَوْنَ اَنَّا نَاْتِی الْاَرْضَ نَنْقُصُهَا مِنْ اَطْرَافِهَا ؕ اَفَهُمُ الْغٰلِبُوْنَ (44)

(૪૪) બલ્કે અમે આમના અને એમના બાપ-દાદાઓને જીવન સામગ્રી આપી, ત્યાં સુધી કે તેમના આયુષ્યની હદ પૂરી થઈ ગઈ, શું તેઓ નથી જોતા કે અમે જમીનને તેના કિનારાઓથી ઘટાડતા આવી રહ્યા છીએ ? તો હવે શું આ લોકો વિજયી થશે ?


قُلْ اِنَّمَاۤ اُنْذِرُكُمْ بِالْوَحْیِ ۖز وَ لَا یَسْمَعُ الصُّمُّ الدُّعَآءَ اِذَا مَا یُنْذَرُوْنَ (45)

(૪૫) કહી દો કે, “હું તો ફક્ત તમને અલ્લાહની વહી વડે બાખબર કરું છું, પરંતુ બહેરા માણસો પોકારને નથી સાંભળતા, જ્યારે કે તેમને બાખબર કરવામાં આવી રહ્યા હોય.


وَ لَئِنْ مَّسَّتْهُمْ نَفْحَةٌ مِّنْ عَذَابِ رَبِّكَ لَیَقُوْلُنَّ یٰوَیْلَنَاۤ اِنَّا كُنَّا ظٰلِمِیْنَ (46)

(૪૬) અને જો તેમને તમારા રબનો અઝાબ સહેજ પણ સ્પર્શી જાય તો પોકારી ઉઠે કે, “હાય અમારું દુર્ભાગ્ય ! બેશક અમે જ જાલિમ હતા.”


وَ نَضَعُ الْمَوَازِیْنَ الْقِسْطَ لِیَوْمِ الْقِیٰمَةِ فَلَا تُظْلَمُ نَفْسٌ شَیْئًا ؕ وَ اِنْ كَانَ مِثْقَالَ حَبَّةٍ مِّنْ خَرْدَلٍ اَتَیْنَا بِهَا ؕ وَ كَفٰى بِنَا حٰسِبِیْنَ (47)

(૪૭) અને અમે કયામતના દિવસે તેમના વચ્ચે ઠીક તોલવાના ત્રાજવાં લાવી રાખીશું, પછી કોઈના પર કોઈ રીતે જુલમ કરવામાં નહિં આવે, અને જો એક રાઈના દાણા બરાબર પણ (કર્મ) હશે તેને અમે સામે લાવીશું, અને અમે હિસાબ લેવા માટે પૂરતા છીએ.


وَ لَقَدْ اٰتَیْنَا مُوْسٰى وَ هٰرُوْنَ الْفُرْقَانَ وَ ضِیَآءً وَّ ذِكْرًا لِّلْمُتَّقِیْنَۙ (48)

(૪૮) અને આ સંપૂર્ણ રીતે સત્ય છે કે અમે મૂસા અને હારૂનને ફેંસલો કરવાવાળી પ્રકાશિત અને નેક લોકો માટે નસીહતવાળી કિતાબ આપી છે.


الَّذِیْنَ یَخْشَوْنَ رَبَّهُمْ بِالْغَیْبِ وَ هُمْ مِّنَ السَّاعَةِ مُشْفِقُوْنَ (49)

(૪૯) તે લોકો જેઓ જોયા વગર પોતાના રબથી ડરે છે અને જેઓ કયામતના વિચારોથી ધ્રુજતા રહે છે.


وَ هٰذَا ذِكْرٌ مُّبٰرَكٌ اَنْزَلْنٰهُ ؕ اَفَاَنْتُمْ لَهٗ مُنْكِرُوْنَ ۧ (50)

(૫૦) અને આ નસીહત તથા બરક્તવાળું કુરઆન અમે જ ઉતાર્યુ છે, શું પછી પણ તમે આનો ઈન્કાર કરો છો ? (ع-૪)