Surah Luqman

સૂરહ લૂકમાન

રૂકૂઅ : ૪

આયત ૩૧ થી ૩૪

اَلَمْ تَرَ اَنَّ الْفُلْكَ تَجْرِیْ فِی الْبَحْرِ بِنِعْمَتِ اللّٰهِ لِیُرِیَكُمْ مِّنْ اٰیٰتِهٖ ؕ اِنَّ فِیْ ذٰلِكَ لَاٰیٰتٍ لِّكُلِّ صَبَّارٍ شَكُوْرٍ (31)

(૩૧) શું તમે આના પર વિચાર નથી કરતા કે સમુદ્રમાં નૌકાઓ અલ્લાહની કૃપાથી ચાલે છે જેથી તે તમને પોતાની નિશાનીઓ બતાવી દે ? બેશક આમાં સબ્ર કરનાર અને ઉપકાર માનનાર માટે ઘણી નિશાનીઓ છે.


وَ اِذَا غَشِیَهُمْ مَّوْجٌ كَالظُّلَلِ دَعَوُا اللّٰهَ مُخْلِصِیْنَ لَهُ الدِّیْنَ { ۚ٥} فَلَمَّا نَجّٰىهُمْ اِلَى الْبَرِّ فَمِنْهُمْ مُّقْتَصِدٌ ؕ وَ مَا یَجْحَدُ بِاٰیٰتِنَاۤ اِلَّا كُلُّ خَتَّارٍ كَفُوْرٍ (32)

(૩૨) અને જ્યારે તેમના ઉપર ધારાઓ છત્રીઓની જેમ છવાઈ જાય છે, તો તેઓ યકીન રાખીને અલ્લાહ (તઆલા)ને જ પોકારે છે અને જ્યારે અલ્લાહ (તઆલા) તેમને બચાવીને જમીન તરફ પહોંચાડી દે છે તો કેટલાક તેમનામાંથી સંતુલિત રહે છે, અને અમારી આયતોનો ઈન્કાર તેઓ જ કરે છે જેઓ વચન તોડનારા અને નાશુક્રા (અપકારી) હોય છે.


یٰۤاَیُّهَا النَّاسُ اتَّقُوْا رَبَّكُمْ وَ اخْشَوْا یَوْمًا لَّا یَجْزِیْ وَالِدٌ عَنْ وَّلَدِهٖ {ز} وَ لَا مَوْلُوْدٌ هُوَ جَازٍ عَنْ وَّالِدِهٖ شَیْئًا ؕ اِنَّ وَعْدَ اللّٰهِ حَقٌّ فَلَا تَغُرَّنَّكُمُ الْحَیٰوةُ الدُّنْیَا {وقفة} وَ لَا یَغُرَّنَّكُمْ بِاللّٰهِ الْغَرُوْرُ (33)

(૩૩) લોકો! પોતાના રબનો ડર રાખો અને તે દિવસનો ડર રાખો, જે દિવસે પિતા પોતાના પુત્રને કોઈ ફાયદો પહોંચાડી નહિ શકે, અને ન પુત્ર પોતાના પિતાને જરા પણ ફાયદો પહોંચાડનાર હશે. યાદ રાખો! અલ્લાહનો વાયદો સાચો છે. જુઓ ! તમને દુનિયાનું જીવન ધોખામાં ન નાખે અને ન ધોખેબાજ (શેતાન) તમને અલ્લાહના મામલામાં ધોખામાં નાખી દે.


اِنَّ اللّٰهَ عِنْدَهٗ عِلْمُ السَّاعَةِ ۚ وَ یُنَزِّلُ الْغَیْثَ ۚ وَ یَعْلَمُ مَا فِی الْاَرْحَامِ ؕ وَ مَا تَدْرِیْ نَفْسٌ مَّا ذَا تَكْسِبُ غَدًا ؕ وَ مَا تَدْرِیْ نَفْسٌۢ بِاَیِّ اَرْضٍ تَمُوْتُ ؕ اِنَّ اللّٰهَ عَلِیْمٌ خَبِیْرٌ ۧ (34)

(૩૪) બેશક અલ્લાહ (તઆલા) પાસે જ કયામતનું ઈલ્મ છે, તે જ વરસાદ વરસાવે છે અને માતાના ગર્ભમાં જે છે તેને જાણે છે, કોઈ (પણ) નથી જાણતું કે કાલે શું કમાણી કરવાનો છે. ન કોઈને એની ખબર છે કે કઈ ધરતી પર તે મરશે, યાદ રાખો ! અલ્લાહ જ સંપૂર્ણ ઈલ્મવાળો અને સચ્ચાઈ જાણવાવાળો છે. (ع-)