Surah Al-Furqan

સૂરહ અલ-ફુરકાન

રૂકૂઅ : ૫

આયત ૪૫ થી ૬૦


اَلَمْ تَرَ اِلٰى رَبِّكَ كَیْفَ مَدَّ الظِّلَّ ۚ وَ لَوْ شَآءَ لَجَعَلَهٗ سَاكِنًا ۚ ثُمَّ جَعَلْنَا الشَّمْسَ عَلَیْهِ دَلِیْلًاۙ (45)

(૪૫) શું તમે જોયું નહિ કે તમારા રબે પડછાયાને કેવી રીતે ફેલાવી દીધો છે ? જો તે ચાહતો તો તેને સ્થાયી કરી દેતો, પછી અમે સૂરજને તેના પર દલીલ બનાવ્યો.


ثُمَّ قَبَضْنٰهُ اِلَیْنَا قَبْضًا یَّسِیْرًا (46)

(૪૬) પછી અમે તેને ધીમે ધીમે પોતાના તરફ ખેંચી લીધો.


وَ هُوَ الَّذِیْ جَعَلَ لَكُمُ الَّیْلَ لِبَاسًا وَّ النَّوْمَ سُبَاتًا وَّ جَعَلَ النَّهَارَ نُشُوْرًا (47)

(૪૭) અને તે જ છે જેણે રાત્રિને તમારા માટે પોશાક બનાવી અને ઊંઘને શાંતિમય બનાવી, અને દિવસને ઊભા થવાનો સમય.


وَ هُوَ الَّذِیْۤ اَرْسَلَ الرِّیٰحَ بُشْرًۢا بَیْنَ یَدَیْ رَحْمَتِهٖ ۚ وَ اَنْزَلْنَا مِنَ السَّمَآءِ مَآءً طَهُوْرًاۙ (48)

(૪૮) અને તે જ છે જે કૃપાના વરસાદ પહેલા ખુશખબર આપવાવાળી હવાઓને મોકલે છે અને અમે આકાશમાંથી સ્વચ્છ પાણી વરસાવીએ છીએ.


لِّنُحْیَِۧ بِهٖ بَلْدَةً مَّیْتًا وَّ نُسْقِیَهٗ مِمَّا خَلَقْنَاۤ اَنْعَامًا وَّ اَنَاسِیَّ كَثِیْرًا (49)

(૪૯) જેથી તેના વડે મૃતપાય ધરતીને જીવન પ્રદાન કરીએ અને તેને અમે પોતાની સૃષ્ટિમાંથી ઘણા જાનવરો અને મનુષ્યોને પીવડાવીએ છીએ.


وَ لَقَدْ صَرَّفْنٰهُ بَیْنَهُمْ لِیَذَّكَّرُوْا ۖز فَاَبٰۤى اَكْثَرُ النَّاسِ اِلَّا كُفُوْرًا (50)

(૫૦) અને બેશક અમે આને તેમના વચ્ચે ઘણા પ્રકારે વર્ણન કરીએ છીએ જેથી તેઓ નસીહત પ્રાપ્ત કરે, પરંતુ પછી પણ મોટાભાગના લોકો ઈન્કાર કર્યા સિવાય માનતા નથી.


وَ لَوْ شِئْنَا لَبَعَثْنَا فِیْ كُلِّ قَرْیَةٍ نَّذِیْرًا ۖز (51)

(૫૧) અને જો અમે ઈચ્છતા તો દરેક વસ્તીમાં એક-એક ડરાવનાર મોકલી દેતા.


فَلَا تُطِعِ الْكٰفِرِیْنَ وَ جَاهِدْهُمْ بِهٖ جِهَادًا كَبِیْرًا (52)

(૫૨) તો તમે કાફિરોનું કહ્યું ન કરો અને કુરઆન વડે તેમના સાથે પૂરી શક્તિથી જિહાદ કરો.


وَ هُوَ الَّذِیْ مَرَجَ الْبَحْرَیْنِ هٰذَا عَذْبٌ فُرَاتٌ وَّ هٰذَا مِلْحٌ اُجَاجٌ ۚ وَ جَعَلَ بَیْنَهُمَا بَرْزَخًا وَّ حِجْرًا مَّحْجُوْرًا (53)

(૫૩) અને તે જ છે જેણે બે સમુદ્રોને પરસ્પર જોડી રાખ્યા છે, એક છે મીઠો અને સ્વાદિષ્ટ અને બીજો છે ખારો અને કડવો, અને આ બંને વચ્ચે એક પડદો અને મજબૂત આડ કરી દીધી.


وَ هُوَ الَّذِیْ خَلَقَ مِنَ الْمَآءِ بَشَرًا فَجَعَلَهٗ نَسَبًا وَّ صِهْرًا ؕ وَ كَانَ رَبُّكَ قَدِیْرًا (54)

(૫૪) અને તે જ છે જેણે પાણીથી મનુષ્યને પેદા કર્યો પછી તેને વંશવાળો અને સાસરી પક્ષના સંબંધવાળો કરી દીધો, બેશક તમારો રબ દરેક વસ્તુ પર શક્તિમાન છે.



وَ یَعْبُدُوْنَ مِنْ دُوْنِ اللّٰهِ مَا لَا یَنْفَعُهُمْ وَ لَا یَضُرُّهُمْ ؕ وَ كَانَ الْكَافِرُ عَلٰى رَبِّهٖ ظَهِیْرًا (55)

(૫૫) અને આ લોકો અલ્લાહને છોડી એમની બંદગી કરે છે જેઓ ન તો તેમને કોઈ ફાયદો પહોંચાડી શકે ન કોઈ નુકસાન પહોંચાડી શકે, કાફિરો તો છે જ પોતાના રબના વિરુધ્ધ (શેતાન)ની મદદ કરનારા.


وَ مَاۤ اَرْسَلْنٰكَ اِلَّا مُبَشِّرًا وَّ نَذِیْرًا (56)

(૫૬) અને અમે તો તમને ખુશખબર અને ચેતવણી આપનાર (નબી) બનાવીને મોકલ્યા છે.


قُلْ مَاۤ اَسْئَلُكُمْ عَلَیْهِ مِنْ اَجْرٍ اِلَّا مَنْ شَآءَ اَنْ یَّتَّخِذَ اِلٰى رَبِّهٖ سَبِیْلًا (57)

(૫૭) કહી દો કે, “હું (કુરઆનને પહોંચાડવા પર) તમારા પાસે કોઈ મહેનતાણું નથી માંગતો પરંતુ જે મનુષ્ય પોતાના રબ તરફ માર્ગ પકડવા ચાહે.”


وَ تَوَكَّلْ عَلَى الْحَیِّ الَّذِیْ لَا یَمُوْتُ وَ سَبِّحْ بِحَمْدِهٖ ؕ وَ كَفٰى بِهٖ بِذُنُوْبِ عِبَادِهٖ خَبِیْرَا ۚۛۙ (58)

(૫૮) અને તે હંમેશા રહેવાવાળા અલ્લાહ (તઆલા) પર સંપૂર્ણ યકીન કરો જેને કદી મૃત્યુ નથી અને તેની પ્રશંસા સાથે પવિત્રતાનું વર્ણન કરતા રહો, તે પોતાના બંદાઓના ગુનાહોને સારી રીતે જાણે છે.


اِن لَّذِیْ خَلَقَ السَّمٰوٰتِ وَ الْاَرْضَ وَ مَا بَیْنَهُمَا فِیْ سِتَّةِ اَیَّامٍ ثُمَّ اسْتَوٰى عَلَى الْعَرْشِ ۛۚ اَلرَّحْمٰنُ فَسْئَلْ بِهٖ خَبِیْرًا (59)

(૫૯) તે જ છે જેણે આકાશો અને ધરતી અને તેના વચ્ચેની વસ્તુઓને છ દિવસમાં પેદા કરી દીધી, પછી અર્શ પર બુલંદ થયો, તે રહમાન છે, તમે તેના વિશે કોઈ જાણકારને પૂછી લો.


وَ اِذَا قِیْلَ لَهُمُ اسْجُدُوْا لِلرَّحْمٰنِ قَالُوْا وَ مَا الرَّحْمٰنُ ۗ اَنَسْجُدُ لِمَا تَاْمُرُنَا وَ زَادَهُمْ نُفُوْرًا۩ {السجدة-ع} ۞ ۧ (60)

(૬૦) અને આ લોકોને જયારે પણ કહેવામાં આવે છે કે દયાળુ (રહમાન) ને સિજદો કરો, તો તેઓ કહે છે કે રહમાન છે શું ? શું અમે તેને સિજદો કરીએ જેનો તું અમને હુકમ આપી રહ્યો છે ? અને (આ આમંત્રણથી) તેમની નફરત જ વધે છે. (ع-) {સિજદો-}