Embedded Files
بَرَآءَةٌ مِّنَ اللّٰهِ وَرَسُوۡلِهٖۤ اِلَى الَّذِيۡنَ عَاهَدتُّمۡ مِّنَ الۡمُشۡرِكِيۡنَ ؕ ١
بَرَآءَةٌ مِّنَ اللّٰهِ وَرَسُوۡلِهٖۤ اِلَى الَّذِيۡنَ عَاهَدتُّمۡ مِّنَ الۡمُشۡرِكِيۡنَ ؕ ١
(૧) (આ) અલ્લાહ અને તેના રસૂલના તરફથી બરાઅત (સંધિની સમાપ્તિ)નું એલાન છે[1] તે મુશરિકોના માટે જેમના સાથે તમે સંધિ કરી હતી.
[1] મક્કાના વિજય પછી 9 હિજરીમાં નબી (ﷺ) એ હજરત અબુબક્ર, હજરત અલી (રઝી) અને બીજા કેટલાક સહાબાને આ આયતો અને હુકમ આપીને મોકલ્યા જેથી તેઓ મક્કામાં તેને બધા લોકોની સામે એલાન કરી દે, તેમણે આપ (ﷺ) ના હુકમ મુજબ એલાન કરી દીધું કે કોઈ વ્યક્તિ હવે કા'બાનો નગ્ન અવસ્થામાં તવાફ (પરિક્રમા) નહિં કરી શકે, બલ્કે આગળના વર્ષથી કોઈ મૂર્તિપૂજકને બેતુલ્લાહ (અલ્લાહના ઘર)ના હજની આજ્ઞા નહીં આપવામાં આવે. (સહીહ બુખારી, નં.1369, મુસ્લિમ નં. 983)
فَسِيۡحُوۡا فِى الۡاَرۡضِ اَرۡبَعَةَ اَشۡهُرٍ وَّاعۡلَمُوۡۤا اَنَّكُمۡ غَيۡرُ مُعۡجِزِى اللّٰهِۙ وَاَنَّ اللّٰهَ مُخۡزِى الۡكٰفِرِيۡنَ ٢
فَسِيۡحُوۡا فِى الۡاَرۡضِ اَرۡبَعَةَ اَشۡهُرٍ وَّاعۡلَمُوۡۤا اَنَّكُمۡ غَيۡرُ مُعۡجِزِى اللّٰهِۙ وَاَنَّ اللّٰهَ مُخۡزِى الۡكٰفِرِيۡنَ ٢
(૨) એટલા માટે (હે મુશરિકો!) તમે દેશમાં ચાર મહિના મુસાફરી કરી લો અને જાણી લો કે તમે અલ્લાહને વિવશ કરી શકતા નથી અને અલ્લાહ કાફિરોને અપમાનિત કરનાર છે.
وَاَذَانٌ مِّنَ اللّٰهِ وَرَسُوۡلِهٖۤ اِلَى النَّاسِ يَوۡمَ الۡحَجِّ الۡاَكۡبَرِ اَنَّ اللّٰهَ بَرِىۡۤءٌ مِّنَ الۡمُشۡرِكِيۡنَ ۙ وَ رَسُوۡلُهٗ ؕ فَاِنۡ تُبۡتُمۡ فَهُوَ خَيۡرٌ لَّـكُمۡ ۚ وَاِنۡ تَوَلَّيۡتُمۡ فَاعۡلَمُوۡۤا اَنَّكُمۡ غَيۡرُ مُعۡجِزِى اللّٰهِ ؕ وَبَشِّرِ الَّذِيۡنَ كَفَرُوۡا بِعَذَابٍ اَ لِيۡمٍۙ ٣
وَاَذَانٌ مِّنَ اللّٰهِ وَرَسُوۡلِهٖۤ اِلَى النَّاسِ يَوۡمَ الۡحَجِّ الۡاَكۡبَرِ اَنَّ اللّٰهَ بَرِىۡۤءٌ مِّنَ الۡمُشۡرِكِيۡنَ ۙ وَ رَسُوۡلُهٗ ؕ فَاِنۡ تُبۡتُمۡ فَهُوَ خَيۡرٌ لَّـكُمۡ ۚ وَاِنۡ تَوَلَّيۡتُمۡ فَاعۡلَمُوۡۤا اَنَّكُمۡ غَيۡرُ مُعۡجِزِى اللّٰهِ ؕ وَبَشِّرِ الَّذِيۡنَ كَفَرُوۡا بِعَذَابٍ اَ لِيۡمٍۙ ٣
(૩) અલ્લાહ અને તેના રસૂલના તરફથી હજ્જ અકબરના દિવસે[1] સ્પષ્ટ એલાન છે કે અલ્લાહ મુશરિકોથી વિમુખ છે અને તેનો રસૂલ પણ, જો હજુ પણ તમે તૌબા કરી લો તો તમારા માટે બહેતર છે અને જો તમે મોઢું ફેરવી લો તો જાણી લો કે તમે અલ્લાહને વિવશ કરી શકવાના નથી અને કાફિરોને સખત સજાની જાણ કરી દો.
[1] સહીહૈન (બુખારી અને મુસ્લિમ) અને બીજી સહીહ હદીસોની કિતાબોથી સાબિત છે કે હજ અકબરના દિવસથી મુરાદ યૌમુન્નહર (એટલે કે 10 જિલહિજ્જા) નો દિવસ છે. (તિર્મિજી-957, બુખારી-4655, મુસ્લિમ-982) તે દિવસે મિનાના સ્થળ પર મુક્તિ (બરાઅત)નું એલાન કરવામાં આવ્યુ, 10 જિલહિજ્જાને હજ અકબર એટલા માટે કહેવામાં આવે છે કેમ કે આ દિવસે હજની સૌથી વધારે અને ખાસ ધાર્મિક વિધિને કરવામાં આવે છે, અને લોકો ઉમરાહને હજ અસગર કહ્યા કરતા હતા, એટલા માટે ઉમરાહથી શ્રેષ્ઠ બતાવવા માટે હજને મહા હજ (અકબર) કહેવામાં આવ્યુ, લોકોમાં જે મશહુર છે કે જુમ્આના દિવસે હજ આવે તો તે હજ અકબર છે એ વાત બેબુનિયાદ છે.
اِلَّا الَّذِيۡنَ عَاهَدتُّمۡ مِّنَ الۡمُشۡرِكِيۡنَ ثُمَّ لَمۡ يَنۡقُصُوۡكُمۡ شَيۡـًٔـا وَّلَمۡ يُظَاهِرُوۡا عَلَيۡكُمۡ اَحَدًا فَاَتِمُّوۡۤا اِلَيۡهِمۡ عَهۡدَهُمۡ اِلٰى مُدَّتِهِمۡؕ اِنَّ اللّٰهَ يُحِبُّ الۡمُتَّقِيۡنَ ٤
اِلَّا الَّذِيۡنَ عَاهَدتُّمۡ مِّنَ الۡمُشۡرِكِيۡنَ ثُمَّ لَمۡ يَنۡقُصُوۡكُمۡ شَيۡـًٔـا وَّلَمۡ يُظَاهِرُوۡا عَلَيۡكُمۡ اَحَدًا فَاَتِمُّوۡۤا اِلَيۡهِمۡ عَهۡدَهُمۡ اِلٰى مُدَّتِهِمۡؕ اِنَّ اللّٰهَ يُحِبُّ الۡمُتَّقِيۡنَ ٤
(૪) પરંતુ તે મુશરિકો જેમના સાથે તમે સંધિ કરી લીધી છે, અને તેઓએ તમને થોડું પણ નુકસાન નથી પહોંચાડ્યું, અને તમારા વિરુધ્ધ કોઈની મદદ નથી કરી તો તમે પણ સંધિની મુદ્દત તેમના સાથે પૂરી કરો, બેશક અલ્લાહ પરહેઝગારોથી મોહબ્બત કરે છે.
فَاِذَا انْسَلَخَ الۡاَشۡهُرُ الۡحُـرُمُ فَاقۡتُلُوا الۡمُشۡرِكِيۡنَ حَيۡثُ وَجَدْتُّمُوۡهُمۡ وَخُذُوۡهُمۡ وَاحۡصُرُوۡهُمۡ وَاقۡعُدُوۡا لَهُمۡ كُلَّ مَرۡصَدٍ ۚ فَاِنۡ تَابُوۡا وَاَقَامُوا الصَّلٰوةَ وَ اٰتَوُا الزَّكٰوةَ فَخَلُّوۡا سَبِيۡلَهُمۡ ؕ اِنَّ اللّٰهَ غَفُوۡرٌ رَّحِيۡمٌ ٥
فَاِذَا انْسَلَخَ الۡاَشۡهُرُ الۡحُـرُمُ فَاقۡتُلُوا الۡمُشۡرِكِيۡنَ حَيۡثُ وَجَدْتُّمُوۡهُمۡ وَخُذُوۡهُمۡ وَاحۡصُرُوۡهُمۡ وَاقۡعُدُوۡا لَهُمۡ كُلَّ مَرۡصَدٍ ۚ فَاِنۡ تَابُوۡا وَاَقَامُوا الصَّلٰوةَ وَ اٰتَوُا الزَّكٰوةَ فَخَلُّوۡا سَبِيۡلَهُمۡ ؕ اِنَّ اللّٰهَ غَفُوۡرٌ رَّحِيۡمٌ ٥
(૫) પછી હુરમતવાળા મહિનાઓ[1] પૂરા થતાં જ મુશરીકોને જ્યાં જુઓ કતલ કરો, તેમને કેદી બનાવો, તેમનો ઘેરાવ કરો, અને તેમની ઘાતમાં દરેક ઘાટી પર જઈ બેસો, પરંતુ જો તેઓ તૌબા કરી લે અને નમાઝ પાબંદીથી પઢવા લાગે અને ઝકાત આપવા લાગે તો તમે તેમનો રસ્તો છોડી દો, બેશક અલ્લાહ દરગુજર કરનાર અને દયાળુ છે.
[1] આ હુરમતવાળા મહિનાઓથી આશય શું છે ? તેમાં મતભેદ છે એક વિચાર તો એ છે કે તેનાથી આશય એજ ચાર મહિના જે હુરમતવાળા છે, એટલે કે મુહર્રમ, રજબ, જીલકાદા અને જિલહિજજા. પરંતુ ઈમામ ઈબ્ને કસીરના મંતવ્ય મુજબ અહિં હરામ મહિનાઓ નથી, બલ્કે 10 જિલહિજજાથી 10 રબીઉસ્સાની સુધીના ચાર મહિના છે, તેમને હુરમતવાળા મહિના એટલા માટે કહેવામાં આવ્યા કે બરાઅતના એલાન મુજબ આ ચાર મહિનાઓમાં તે મૂર્તિપૂજકોથી લડવા અને તેમના વિરુધ્ધ કોઈપણ કાર્યવાહીનો હુકમ ન હતો. મુક્તિના એલાનની બુનિયાદ પ૨ આ દલીલ વધારે સાચી માલુમ પડે છે.
وَاِنۡ اَحَدٌ مِّنَ الۡمُشۡرِكِيۡنَ اسۡتَجَارَكَ فَاَجِرۡهُ حَتّٰى يَسۡمَعَ كَلَامَ اللّٰهِ ثُمَّ اَبۡلِغۡهُ مَاۡمَنَهٗ ؕ ذٰ لِكَ بِاَنَّهُمۡ قَوۡمٌ لَّا يَعۡلَمُوۡنَ ٦ع
وَاِنۡ اَحَدٌ مِّنَ الۡمُشۡرِكِيۡنَ اسۡتَجَارَكَ فَاَجِرۡهُ حَتّٰى يَسۡمَعَ كَلَامَ اللّٰهِ ثُمَّ اَبۡلِغۡهُ مَاۡمَنَهٗ ؕ ذٰ لِكَ بِاَنَّهُمۡ قَوۡمٌ لَّا يَعۡلَمُوۡنَ ٦ع
(૬) જો મુશરિકોમાંથી કોઈ તમારા પાસે પનાહ માગે તો તમે તેને પનાહ આપી દો, ત્યાં સુધી કે તે અલ્લાહની વાણી સાંભળી લે પછી તેને તેના સલામત સ્થળ સુધી પહોંચાડી દો,[1] એટલા માટે કે તે લોકો અજાણ છે.[2] (ع-૧)
[1] આ આયતમાં લડાકુ મૂર્તિપૂજકોના વિષે એક છૂટ આપવામાં આવી છે કે જો કોઈ મૂર્તિપૂજકો પનાહ માગે તો તેને આપી દો, એટલે કે પોતાની સુરક્ષામાં સલામત રાખો જેથી કોઈ બીજો મુસલમાન તેને મારી ન શકે, જેથી તેને અલ્લાહની વાણી સાંભળવા અને ઈસ્લામ ધર્મ કબૂલ કરવાનો મોકો મળે, પરંતુ જો અલ્લાહની વાણી સાંભળ્યા પછી પણ તે ઈસ્લામ ધર્મ કબૂલ નથી કરતો, તો તેને સલામત જગ્યા સુધી પહોંચાડી દો, એટલે કે પોતાની સુરક્ષાનું કર્તવ્ય અંતિમ ક્ષણ સુધી નિભાવવાનું છે, જયાં સુધી તે પોતાની સલામત જગ્યા સુધી નથી પહોંચી જતો, તેની સુરક્ષાની જવાબદારી તમારા ઉપર છે.
[2] એટલે કે પનાહની છૂટ એટલા માટે આપવામાં આવી છે કેમ કે આ લોકો અજાણ છે, શક્ય છે કે અલ્લાહ અને તેના રસૂલની વાતો તેમના સમજમાં આવે અને મુસલમાનોના વર્તન અને વ્યવહારને તેઓ જુએ, તો ઈસ્લામ ધર્મ કબૂલ કરી આખિરતના અઝાબથી બચી જાય, જેવી રીતે સુલેહ હુદેબિયા પછી ઘણા કાફિરો મદીના આવતા-જતા રહ્યા, તો મુસલમાનોના વર્તન અને વ્યવહાર જોઈને ઈસ્લામ ધર્મ સમજવામાં મદદ મળી અને ઘણા લોકો મુસલમાન થઈ ગયા.
[2] એટલે કે પનાહની છૂટ એટલા માટે આપવામાં આવી છે કેમ કે આ લોકો અજાણ છે, શક્ય છે કે અલ્લાહ અને તેના રસૂલની વાતો તેમના સમજમાં આવે અને મુસલમાનોના વર્તન અને વ્યવહારને તેઓ જુએ, તો ઈસ્લામ ધર્મ કબૂલ કરી આખિરતના અઝાબથી બચી જાય, જેવી રીતે સુલેહ હુદેબિયા પછી ઘણા કાફિરો મદીના આવતા-જતા રહ્યા, તો મુસલમાનોના વર્તન અને વ્યવહાર જોઈને ઈસ્લામ ધર્મ સમજવામાં મદદ મળી અને ઘણા લોકો મુસલમાન થઈ ગયા.
Page updated
Google Sites
Report abuse