અલ્લાહના નામથી શરૂ કરુ છું જે અત્યંત કૃપાળુ અને દયાળુ છે.
(૧) અલિફ.લામ.રા., આ સ્પષ્ટ કિતાબની આયતો છે.
(૨) બેશક અમે તેને અરબીમાં ઉતાર્યુ છે જેથી તમે સમજી શકો.[1]
(૩) અમે તમારા સમક્ષ સૌથી સારું વર્ણન રજૂ કરીએ છીએ, એટલા માટે કે અમે તમારા તરફ આ કુરઆન વહી (પ્રકાશના) દ્વારા ઉતાર્યુ છે અને બેશક આના પહેલા તમે અજાણ્યાઓમાંથી હતા.[1]
(૪) જ્યારે કે યૂસુફે પોતાના પિતાને કહ્યું કે, “પિતાજી ! મેં અગિયાર તારાઓ અને સૂર્ય-ચંદ્રને જોયા કે તે બધા મને સિજદો કરી રહ્યા છે.”
(૫) (યાકૂબ અ.સ. એ) કહ્યું કે, “હે મારા વહાલા પુત્ર! તારા આ સ્વપ્નની ચર્ચા તારા ભાઈઓ સાથે ન કરીશ, એવું ન થાય કે તેઓ તારા સાથે કોઈ છળકપટ કરે,[1] શેતાન તો મનુષ્યનો ખુલ્લો દુશ્મન છે.”
(૬) અને આ રીતે તમારો રબ તમને પસંદ કરશે અને તમને વાત સમજવાની (સ્વપ્ન ફળ બતાવવાની) પણ તાલીમ આપશે, અને પોતાની ને'મત તમને સંપૂર્ણ રીતે પ્રદાન કરશે,[1] અને યાકૂબના પરિવારને પણ જેવા કે તેણે આના પહેલા તમારા બે પૂર્વજો એટલે કે ઈબ્રાહીમ અને ઈસ્હાકને પણ ભરપૂર ને'મત પ્રદાન કરી, બેશક તમારો રબ ઘણો ઈલ્મવાળો અને હિકમતવાળો છે.(ع-૧)