Surah Al-Baqarah

સૂરહ અલ-બકરહ

રૂકૂઅ : ૨૦

આયત ૧૬૪ થી ૧૬૮


إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ وَالْفُلْكِ الَّتِي تَجْرِي فِي الْبَحْرِ بِمَا يَنفَعُ النَّاسَ وَمَا أَنزَلَ اللَّهُ مِنَ السَّمَاءِ مِن مَّاءٍ فَأَحْيَا بِهِ الْأَرْضَ بَعْدَ مَوْتِهَا وَبَثَّ فِيهَا مِن كُلِّ دَابَّةٍ وَتَصْرِيفِ الرِّيَاحِ وَالسَّحَابِ الْمُسَخَّرِ بَيْنَ السَّمَاءِ وَالْأَرْضِ لَآيَاتٍ لِّقَوْمٍ يَعْقِلُونَ (164)

(૧૬૪) બેશક આકાશ અને ધરતીને બનાવવું, રાત દિવસનો ફેરબદલ, વહાણનું લોકોને ફાયદો પહોંચાડનારી વસ્તુઓને લઈને સમુદ્રમાં ચાલવું, આકાશમાંથી વર્ષા ઉતારી મૃત ધરતીને જીવંત કરી દેવી, તેમાં દરેક પ્રકારના જીવોને ફેલાવી દેવા, હવાની દિશા બદલવી, અને વાદળ જે આકાશ અને ધરતી વચ્ચે લટકેલ છે. આમાં બુધ્ધિશાળીઓ માટે અલ્લાહની કુદરતની નિશાની છે.


وَمِنَ النَّاسِ مَن يَتَّخِذُ مِن دُونِ اللَّهِ أَندَادًا يُحِبُّونَهُمْ كَحُبِّ اللَّهِ ۖ وَالَّذِينَ آمَنُوا أَشَدُّ حُبًّا لِّلَّهِ ۗ وَلَوْ يَرَى الَّذِينَ ظَلَمُوا إِذْ يَرَوْنَ الْعَذَابَ أَنَّ الْقُوَّةَ لِلَّهِ جَمِيعًا وَأَنَّ اللَّهَ شَدِيدُ الْعَذَابِ (165)

(૧૬૫) અને કેટલાક લોકો એવા પણ છે જેઓ બીજાઓને અલ્લાહના શરીક બનાવીને તેમનાથી એવો પ્રેમ રાખે છે જેવો પ્રેમ અલ્લાહથી હોવો જોઈએ અને ઈમાનવાળાઓ અલ્લાહથી પ્રેમ માં મજબૂત હોય છે, કાશ કે મૂર્તિપૂજક જાણતા હોત અને અલ્લાહ ના અજાબો ને જોઈ ને (જાણી લેત) કે સર્વ તાકાત અલ્લાહને જ છે અને અલ્લાહ સખત અઝાબ આપવાવાળો છે. (તો કદી પણ મૂર્તિપૂજા ન કરતા)


إِذْ تَبَرَّأَ الَّذِينَ اتُّبِعُوا مِنَ الَّذِينَ اتَّبَعُوا وَرَأَوُا الْعَذَابَ وَتَقَطَّعَتْ بِهِمُ الْأَسْبَابُ (166)

(૧૬૬) જે સમયે સરદાર લોકો પોતાના તાબેદારોથી અલગ થઈ જશે અને અઝાબને પોતાની આંખોથી જોઈ લેશે અને બધા સંબંધો તુટી જશે.


وَقَالَ الَّذِينَ اتَّبَعُوا لَوْ أَنَّ لَنَا كَرَّةً فَنَتَبَرَّأَ مِنْهُمْ كَمَا تَبَرَّءُوا مِنَّا ۗ كَذَٰلِكَ يُرِيهِمُ اللَّهُ أَعْمَالَهُمْ حَسَرَاتٍ عَلَيْهِمْ ۖ وَمَا هُم بِخَارِجِينَ مِنَ النَّارِ (167)

(૧૬૭) અને તાબેદારો કહેવા લાગશે, કાશ અમે દુનિયા તરફ બીજીવાર જઈએ તો અમે પણ તેમનાથી આવી જ રીતે અલગ થઈ જઈએ , જેવા તેઓ અમારાથી છે. તેવી જ રીતે અલ્લાહ તઆલા તેઓને તેમના કર્મો દેખાડશે તેમના પસ્તાવાને લીધે, તેઓ કદાપી જહન્નમમાંથી નહિં નીકળી શકે.


يَا أَيُّهَا النَّاسُ كُلُوا مِمَّا فِي الْأَرْضِ حَلَالًا طَيِّبًا وَلَا تَتَّبِعُوا خُطُوَاتِ الشَّيْطَانِ ۚ إِنَّهُ لَكُمْ عَدُوٌّ مُّبِينٌ (168)

(૧૬૮) હે લોકો! ધરતીમાં જેટલી પણ હલાલ (વૈઘ) અને પવિત્ર વસ્તુઓ છે, તેને ખાઓ-પીઓ અને શયતાનના રસ્તા પર ન ચાલો, તે તમારો ખુલ્લો દુશ્મન છે.