Surah Ha-Mim-As-Sajdah

સૂરહ હા.મીમ.અસ્સજદહ

રૂકૂ : ૧

આયત ૧ થી ૮

بِسْمِ اللّٰهِ الرَّحْمٰنِ الرَّحِيْمِ

શરૂ અલ્લાહના નામથી જે અત્યંત કૃપાળુ અને દયાળુ છે

حٰمٓ ۚ (1)

(૧) હા-મીમ !


تَنْزِیْلٌ مِّنَ الرَّحْمٰنِ الرَّحِیْمِ ۚ (2)

(૨) ઉતરી છે મહાન કૃપાળુ અને દયાળુ તરફથી.


كِتٰبٌ فُصِّلَتْ اٰیٰتُهٗ قُرْاٰنًا عَرَبِیًّا لِّقَوْمٍ یَّعْلَمُوْنَ ۙ (3)

(૩) (એવી) કિતાબ જેની આયતો વિગતવાર વર્ણવવામાં આવી છે. (તે હાલતમાં કે) કુરઆન અરબી ભાષામાં છે તે લોકો માટે જેઓ જ્ઞાન ધરાવે છે.


بَشِیْرًا وَّ نَذِیْرًا ۚ فَاَعْرَضَ اَكْثَرُهُمْ فَهُمْ لَا یَسْمَعُوْنَ (4)

(૪) ખુશખબર સંભળાવનાર અને ડરાવનાર છે, પરંતુ આમાના ઘણાં ખરાં લોકોએ તેનાથી મોઢું ફેરવી લીધું છે અને તેઓ સાંભળતા જ નથી.


وَ قَالُوْا قُلُوْبُنَا فِیْۤ اَكِنَّةٍ مِّمَّا تَدْعُوْنَاۤ اِلَیْهِ وَ فِیْۤ اٰذَانِنَا وَقْرٌ وَّ مِنْۢ بَیْنِنَا وَ بَیْنِكَ حِجَابٌ فَاعْمَلْ اِنَّنَا عٰمِلُوْنَ (5)

(૫) અને તેઓએ કહ્યું કે, “તમે જેના તરફ અમને બોલાવી રહ્યા છો અમારા દિલ તો તેનાથી પડદામાં છે, અમારા કાનોમાં બોજ છે. (અથવા કશું સંભળાતુ નથી) અને અમારા અને તમારા વચ્ચે એક પડદો (આડ) છે, સારું, તમે હવે તમારું. કામ કરો અમે પણ અમારું કામ કરતા જઈશું.”


قُلْ اِنَّمَاۤ اَنَا بَشَرٌ مِّثْلُكُمْ یُوْحٰۤى اِلَیَّ اَنَّمَاۤ اِلٰهُكُمْ اِلٰهٌ وَّاحِدٌ فَاسْتَقِیْمُوْۤا اِلَیْهِ وَ اسْتَغْفِرُوْهُ ؕ وَ وَیْلٌ لِّلْمُشْرِكِیْنَ ۙ (6)

(૬) (તમે) કહી દો કે, “હું તો તમારા જેવો જ મનુષ્ય છું મારા પર વહી કરવામાં આવે છે કે તમારા બધાનો મા'બૂદ ફક્ત એક અલ્લાહ જ છે, તો તમે તેના તરફ રૂખ કરી લો અને તેનાથી ગુનાહોની માફી માંગો અને તે મૂર્તિપૂજકો માટે (મોટી) ખરાબી છે.


الَّذِیْنَ لَا یُؤْتُوْنَ الزَّكٰوةَ وَ هُمْ بِالْاٰخِرَةِ هُمْ كٰفِرُوْنَ (7)

(૭) જેઓ ઝકાત નથી આપતા અને આખિરતનો પણ ઈન્કાર કરતા જ રહે છે.


اِنَّ الَّذِیْنَ اٰمَنُوْا وَ عَمِلُوا الصّٰلِحٰتِ لَهُمْ اَجْرٌ غَیْرُ مَمْنُوْنٍ ۧ (8)

(૮) બેશક જે લોકો ઈમાન લાવ્યા અને સારા કામ કર્યા તેમના માટે બેહિસાબ બદલો છે. (ع-)