Surah Al-Isra

وَ لَا تَقْتُلُوْۤا اَوْلَادَكُمْ خَشْیَةَ اِمْلَاقٍ ؕ نَحْنُ نَرْزُقُهُمْ وَ اِیَّاكُمْ ؕ اِنَّ قَتْلَهُمْ كَانَ خِطْاً كَبِیْرًا (31)

(૩૧) અને ગરીબીના ડરથી પોતાની સંતાનને કતલ ન કરો, તેમને અને તમને અમે જ રોજી આપીએ છીએ બેશક તેમને કતલ કરવું ઘણો મોટો અપરાધ છે.

وَ لَا تَقْرَبُوا الزِّنٰۤى اِنَّهٗ كَانَ فَاحِشَةً ؕ وَ سَآءَ سَبِیْلًا (32)

(૩૨) અને હોંશિયાર! વ્યભિચારના નજીક પણ ન જશો, કેમકે તે ઘણી બેશરમીનું કામ છે અને ઘણો ખરાબ માર્ગ છે.

وَ لَا تَقْتُلُوا النَّفْسَ الَّتِیْ حَرَّمَ اللّٰهُ اِلَّا بِالْحَقِّ ؕ وَ مَنْ قُتِلَ مَظْلُوْمًا فَقَدْ جَعَلْنَا لِوَلِیِّهٖ سُلْطٰنًا فَلَا یُسْرِفْ فِّی الْقَتْلِ ؕ اِنَّهٗ كَانَ مَنْصُوْرًا (33)

(૩૩) અને કોઈ જીવને જેને મારવું અલ્લાહે હરામ કરી દીધુ છે કદી નાહક કતલ ન કરશો, અને જેને બેક્સુર મારી નાખવામાં આવે અમે તેના વારસદારોને અધિકાર આપી રાખ્યો છે પરંતુ તેને જોઈએ કે મારી નાખવામાં જલદી ન કરે, બેશક તેની મદદ કરવામાં આવશે.

وَ لَا تَقْرَبُوْا مَالَ الْیَتِیْمِ اِلَّا بِالَّتِیْ هِیَ اَحْسَنُ حَتّٰى یَبْلُغَ اَشُدَّهٗ ص وَ اَوْفُوْا بِالْعَهْدِ ۚ اِنَّ الْعَهْدَ كَانَ مَسْئُوْلًا (34)

(૩૪) અને અનાથના માલના નજીક ન જાઓ સિવાય તે તરીકાના જે સૌથી વધારે ઉત્તમ હોય, ત્યાં સુધી કે તે પોતાની સમજદારીની વય સુધી પહોંચી જાય અને વચનોને પૂરા કરો કેમકે વચનો વિષે પૂછતાછ થશે.

وَ اَوْفُوا الْكَیْلَ اِذَا كِلْتُمْ وَ زِنُوْا بِالْقِسْطَاسِ الْمُسْتَقِیْمِ ؕ ذٰلِكَ خَیْرٌ وَّ اَحْسَنُ تَاْوِیْلًا (35)

(૩૫) અને જ્યારે માપવા લાગો તો પૂરા માપથી માપો અને સાચા ત્રાજવાથી તોલો, આ જ સારું છે અને પરિણામની દષ્ટિએ પણ ઘણું ઉત્તમ છે.

وَ لَا تَقْفُ مَا لَیْسَ لَكَ بِهٖ عِلْمٌ ؕ اِنَّ السَّمْعَ وَ الْبَصَرَ وَ الْفُؤَادَ كُلُّ اُولٰٓئِكَ كَانَ عَنْهُ مَسْئُوْلًا (36)

(૩૬) અને જે વાતની તમને ખબર જ ન હોય, તેના પાછળ ન પડો, કેમકે કાન, આંખ અને દિલ આમાંથી બધાની પૂછતાછ કરવામાં આવશે.

وَ لَا تَمْشِ فِی الْاَرْضِ مَرَحًا ۚ اِنَّكَ لَنْ تَخْرِقَ الْاَرْضَ وَ لَنْ تَبْلُغَ الْجِبَالَ طُوْلًا (37)

(૩૭) અને ધરતી પર અકડાઈને ન ચાલો, કેમકે ન તમે ધરતીને ફાડી શકો છો અને ન તો લંબાઈમાં પહાડોને પહોંચી શકો છો.

كُلُّ ذٰلِكَ كَانَ سَیِّئُهٗ عِنْدَ رَبِّكَ مَكْرُوْهًا (38)

(૩૮) આ બધા કાર્યોની બૂરાઈ તમારા રબના નજીક ખૂબ નાપસંદ છે.

ذٰلِكَ مِمَّاۤ اَوْحٰۤى اِلَیْكَ رَبُّكَ مِنَ الْحِكْمَةِ ؕ وَ لَا تَجْعَلْ مَعَ اللّٰهِ اِلٰهًا اٰخَرَ فَتُلْقٰى فِیْ جَهَنَّمَ مَلُوْمًا مَّدْحُوْرًا (39)

(૩૯) આ પણ તે વહીમાંથી છે જેને તમારા રબે તમારા તરફ હિકમતથી ઉતારી છે, એટલા માટે અલ્લાહ સાથે કોઈ બીજાને મા'બૂદ ન બનાવતા કે ધિક્કારીને અને અપમાનિત કરીને જહન્નમમાં નાખી દેવામાં આવે.

اَفَاَصْفٰىكُمْ رَبُّكُمْ بِالْبَنِیْنَ وَ اتَّخَذَ مِنَ الْمَلٰٓئِكَةِ اِنَاثًا ؕ اِنَّكُمْ لَتَقُوْلُوْنَ قَوْلًا عَظِیْمًا ۧ (40)

(૪૦) શું પુત્રો માટે અલ્લાહે તમને પસંદ કરી લીધા અને પોતે પોતાના માટે ફરિશ્તાઓને પુત્રીઓ બનાવી લીધી? બેશક તમે ઘણા મોટા બોલ બોલી રહ્યા છો. (ع-૪)