Surah Al-Baqarah

સૂરહ અલ-બકરહ

રૂકૂ : ૭

આયત ૬૦ થી ૬૧


وَإِذِ اسْتَسْقَىٰ مُوسَىٰ لِقَوْمِهِ فَقُلْنَا اضْرِب بِّعَصَاكَ الْحَجَرَ ۖ فَانفَجَرَتْ مِنْهُ اثْنَتَا عَشْرَةَ عَيْنًا ۖ قَدْ عَلِمَ كُلُّ أُنَاسٍ مَّشْرَبَهُمْ ۖ كُلُوا وَاشْرَبُوا مِن رِّزْقِ اللَّهِ وَلَا تَعْثَوْا فِي الْأَرْضِ مُفْسِدِينَ (60)

(૬૦) યાદ કરો જયારે મૂસાએ પોતાની કોમ માટે પાણીની પ્રાર્થના કરી ત્યારે અમે કહ્યું કે તે પથ્થર ઉપર તમારી લાઠી મારો આથી તેમાંથી બાર (૧૨) પાણી ના ઝરણા ફૂટી નીકળ્યાં અને દરેક કબીલાએ જાણી લીધું (અલ્લાહ એ તેમને જણાવ્યુ) કે કઈ જગ્યા તેમના પાણી લેવા માટેની છે માટે જ અલ્લાહએ આપેલ રોજી માંથી ખાઓ પીઓ અને ધરતી ઉપર બગાડ (ઉપદ્રવ) ફેલાવતા ન ફરો.


وَإِذْ قُلْتُمْ يَا مُوسَىٰ لَن نَّصْبِرَ عَلَىٰ طَعَامٍ وَاحِدٍ فَادْعُ لَنَا رَبَّكَ يُخْرِجْ لَنَا مِمَّا تُنبِتُ الْأَرْضُ مِن بَقْلِهَا وَقِثَّائِهَا وَفُومِهَا وَعَدَسِهَا وَبَصَلِهَا ۖ قَالَ أَتَسْتَبْدِلُونَ الَّذِي هُوَ أَدْنَىٰ بِالَّذِي هُوَ خَيْرٌ ۚ اهْبِطُوا مِصْرًا فَإِنَّ لَكُم مَّا سَأَلْتُمْ ۗ وَضُرِبَتْ عَلَيْهِمُ الذِّلَّةُ وَالْمَسْكَنَةُ وَبَاءُوا بِغَضَبٍ مِّنَ اللَّهِ ۗ ذَٰلِكَ بِأَنَّهُمْ كَانُوا يَكْفُرُونَ بِآيَاتِ اللَّهِ وَيَقْتُلُونَ النَّبِيِّينَ بِغَيْرِ الْحَقِّ ۗ ذَٰلِكَ بِمَا عَصَوا وَّكَانُوا يَعْتَدُونَ (61)

(૬૧) યાદ કરો જયારે તમે કહ્યું હતુ હે મૂસા ! અમે એક જ જાતના ખોરાક પર ધીરજ નથી રાખી શકતા તમે પોતાના રબ થી દુઆ કરો કે અમારા માટે જમીનની પેદાશો (ઉપજો) લીલી વનસ્પતિ, શાકભાજી, ઘઉં, લસણ, ડુંગળી, કઠોળ પૈદા કરે તો મૂસા એ કહ્યું શું એક વધુ સારી (શ્રેષ્ઠ) વસ્તુ ની જગ્યાએ તમે ઉતરતી (હલ્કી) કક્ષાની વસ્તુ મેળવવા માંગો છો ! સારુ તમે કોઈ શહેરી વસ્તી માં જઈને રહો જે કંઈ તમે માંગો છો તે ત્યાં મળી જશે, છેવટે પરિસ્થિતિ ત્યાં સુધી પહોંચી કે નામોશી અને કંગાલિયત (નાદારી) તેમની ઉપર છવાઈ ગઈ અને તેઓ અલ્લાહના પ્રકોપમાં ઘેરાઈ ગયા આ પરિણામ હતું આનુ કે તેઓ અલ્લાહની આયતોનો ઇન્કાર કરવા લાગ્યા અને પયગંબરોને નાહક કતલ કરવા લાગ્યા, આ પરિણામ હતું તેમની નાફરમાનીઓનું અને એ વાતનું કે તેઓ અલ્લાહના કાનુનની સીમાઓનું ઉલ્લંઘન કર્યા જ કરતા હતા.