Surah Al-A'la

بِسْمِ اللّٰهِ الرَّحْمٰنِ الرَّحِيْمِ

શરૂ અલ્લાહના નામથી જે અત્યંત કૃપાળુ અને દયાળુ છે

سَبِّحِ اسْمَ رَبِّكَ الْاَعْلَى ۙ (1)

(૧) પોતાના સર્વોચ્ચ રબના નામની પવિત્રતાનું વર્ણન કરો.

الَّذِیْ خَلَقَ فَسَوّٰى{ۙص}(2)

(૨) જેણે પેદા કર્યા અને ઠીકઠાક તથા સ્વસ્થ બનાવ્યા.

وَ الَّذِیْ قَدَّرَ فَهَدٰى{ۙص}(3)

(૩) અને જેણે અંદાજો લગાવીને નિર્માણ કર્યું, પછી માર્ગ બતાવ્યો.

وَ الَّذِیْۤ اَخْرَجَ الْمَرْعٰى {ۙص} (4)

(૪) અને જેણે ઘાસચારો પેદા કર્યો.

فَجَعَلَهٗ غُثَآءً اَحْوٰى ؕ (5)

(૫) પછી તેણે તેને સૂકવીને કાળો કચરો બનાવી દીધો.

سَنُقْرِئُكَ فَلَا تَنْسٰۤى ۙ (6)

(૬) અમે તમને પઢાવીશું, પછી તમે ભૂલશો નહિં.

اِلَّا مَا شَآءَ اللّٰهُ ؕ اِنَّهٗ یَعْلَمُ الْجَهْرَ وَ مَا یَخْفٰى ؕ (7)

(૭) પરંતુ જે કંઈ અલ્લાહ ચાહે, તે દરેક જાહેરને અને જે કંઈ છૂપાયેલ છે તેને જાણે છે.

وَ نُیَسِّرُكَ لِلْیُسْرٰى ۚ ۖ (8)

(૮) અમે તમારા માટે આસાની પેદા કરી દઈશું.

فَذَكِّرْ اِنْ نَّفَعَتِ الذِّكْرٰى ؕ (9)

(૯) તો તમે ઉપદેશ આપતા રહો, જો ઉપદેશ ફાયદો આપે.

سَیَذَّكَّرُ مَنْ یَّخْشٰى ۙ (10)

(૧૦) ડરવાવાળો તો ઉપદેશ સ્વીકારી લેશે.

وَ یَتَجَنَّبُهَا الْاَشْقَى ۙ (11)

(૧૧) (પરંતુ) દુર્ભાગી (બદનસીબ) તેનાથી દૂર જ રહી જશે.

الَّذِیْ یَصْلَى النَّارَ الْكُبْرٰى ۚ (12)

(૧૨) જે ખૂબ જ મોટી આગમાં જશે.

ثُمَّ لَا یَمُوْتُ فِیْهَا وَ لَا یَحْیٰى ؕ (13)

(૧૩) જ્યાં તે ન મરશે અને ન જીવશે (પરંતુ જીવ (પ્રાણ) નીકળવાની હાલતમાં પડ્યો રહેશે.)

قَدْ اَفْلَحَ مَنْ تَزَكّٰى ۙ (14)

(૧૪) બેશક તેણે સફળતા પ્રાપ્ત કરી લીધી જે પવિત્ર થઈ ગયો.

وَ ذَكَرَ اسْمَ رَبِّهٖ فَصَلّٰى ؕ (15)

(૧૫) અને જેણે પોતાના રબનું નામ યાદ કર્યું અને નમાઝ પઢતો રહ્યો.

بَلْ تُؤْثِرُوْنَ الْحَیٰوةَ الدُّنْیَا { ۖز} (16)

(૧૬) પરંતુ તમે તો દુનિયાના જીવનને શ્રેષ્ઠતા આપો છો.

وَ الْاٰخِرَةُ خَیْرٌ وَّ اَبْقٰى ؕ (17)

(૧૭) અને આખિરત ખૂબ જ શ્રેષ્ઠ અને કાયમી છે.

اِنَّ هٰذَا لَفِی الصُّحُفِ الْاُوْلٰى ۙ (18)

(૧૮) આ વાતો પહેલાની કિતાબોમાં પણ છે.

صُحُفِ اِبْرٰهِیْمَ وَ مُوْسٰى ۧ (19)

(૧૯) (એટલે કે) ઈબ્રાહીમ અને મૂસાની કિતાબોમાં. (ع-૧)