Surah Al-Ahqaf

قَالُـوۡۤا اَجِئۡتَـنَا لِتَاۡفِكَنَا عَنۡ اٰلِهَـتِنَا​ ۚ فَاۡتِنَا بِمَا تَعِدُنَاۤ اِنۡ كُنۡتَ مِنَ الصّٰدِقِيۡنَ‏‏‏ ‏‏۝٢٢

(૨૨) કોમે જવાબ આપ્યો કે, “શું તમે અમારા પાસે એટલા માટે આવ્યા છો કે અમને અમારા દેવતાઓ (ની બંદગી) થી રોકી દો ? તો જો તમે સાચા છો તો જે અઝાબોનો તમે વાયદો કરો છો તેને અમારા પર લાવી દો.”

قَالَ اِنَّمَا الۡعِلۡمُ عِنۡدَ اللّٰهِ ​{ ۖز} وَاُبَلِّغُكُمۡ مَّاۤ اُرۡسِلۡتُ بِهٖ وَلٰـكِنِّىۡۤ اَرٰٮكُمۡ قَوۡمًا تَجۡهَلُوۡنَ‏‏‏‏ ‏‏۝٢٣

(૨૩) (હજરત હૂદે) કહ્યું કે, “(આનું) ઈલ્મ તો અલ્લાહના જ પાસે છે, હું તો જે સંદેશો આપીને મોકલવામાં આવ્યો છું તે તમને પહોંચાડી રહ્યો છું, પરંતુ હું જોઈ રહ્યો છું કે તમે લોકો મૂર્ખતા કરી રહ્યા છો.”

فَلَمَّا رَاَوۡهُ عَارِضًا مُّسۡتَقۡبِلَ اَوۡدِيَتِهِمۡ ۙ قَالُوۡا هٰذَا عَارِضٌ مُّمۡطِرُنَا​ ؕ بَلۡ هُوَ مَا اسۡتَعۡجَلۡتُمۡ بِهٖ ​ۚ رِيۡحٌ فِيۡهَا عَذَابٌ اَ لِيۡمٌۙ‏‏‏‏ ‏‏۝٢٤

(૨૪) પછી જ્યારે તેમણે અઝાબને વાદળ સ્વરૂપે પોતાના મેદાનો તરફ આવતા જોયો તો કહેવા લાગ્યા કે, “આ વાદળ અમારા પર વરસનાર છે”, (નહિ) પરંતુ હકીક્તમાં આ વાદળ તે (પ્રકોપ) છે જેની તમે ઉતાવળ કરી રહ્યા હતા, આ હવા છે જેમાં પીડાકારી યાતનાઓ છે.

تُدَمِّرُ كُلَّ شَىۡءٍ ۭ بِاَمۡرِ رَبِّهَا فَاَصۡبَحُوۡا لَا يُرٰٓى اِلَّا مَسٰكِنُهُمۡ​ؕ كَذٰلِكَ نَجۡزِى الۡقَوۡمَ الۡمُجۡرِمِيۡنَ‏  ‏‏۝٢٥

(૨૫) જે પોતાના રબના હુકમથી દરેક વસ્તુને નષ્ટ કરી દેશે,” તો તેઓ એવા થઈ ગયા કે તેમના ઘરો સિવાય કશું દેખાતું ન હતું, ગુનેહગારોના જૂથને અમે આવી રીતે સજા આપીએ છીએ.