بِسْمِ اللّٰهِ الرَّحْمٰنِ الرَّحِيْمِ

શરૂ અલ્લાહના નામથી જે અત્યંત કૃપાળુ અને દયાળુ છે

الٓرٰ قف كِتٰبٌ اَنْزَلْنٰهُ اِلَیْكَ لِتُخْرِجَ النَّاسَ مِنَ الظُّلُمٰتِ اِلَى النُّوْرِ ۙ٥ بِاِذْنِ رَبِّهِمْ اِلٰى صِرَاطِ الْعَزِیْزِ الْحَمِیْدِۙ (1)

(૧) અલિફ.લામ.રા., આ (સૌથી શ્રેષ્ઠ) કિતાબ અમે તમારા તરફ ઉતારી છે કે તમે લોકોને અંધકારમાંથી પ્રકાશ તરફ લાવો તેમના રબના હુકમથી, જબરજસ્ત પ્રશંસાવાળા અલ્લાહના માર્ગ તરફ.

اللّٰهِ الَّذِیْ لَهٗ مَا فِی السَّمٰوٰتِ وَ مَا فِی الْاَرْضِ ؕ وَ وَیْلٌ لِّلْكٰفِرِیْنَ مِنْ عَذَابٍ شَدِیْدِۙ (2)

(૨) બધુ અલ્લાહનું જ છે જે કંઈ આકાશો અને ધરતીમાં છે અને કાફિરોના માટે કઠોર વિનાશકારી સજા છે.

اِ۟لَّذِیْنَ یَسْتَحِبُّوْنَ الْحَیٰوةَ الدُّنْیَا عَلَى الْاٰخِرَةِ وَ یَصُدُّوْنَ عَنْ سَبِیْلِ اللّٰهِ وَ یَبْغُوْنَهَا عِوَجًا ؕ اُولٰٓئِكَ فِیْ ضَلٰلٍۭ بَعِیْدٍ (3)

(૩) જેઓ આખિરતની સરખામણીમાં દુનિયાની જિંદગીને પસંદ કરે છે અને અલ્લાહના માર્ગથી રોકે છે અને તેને વાંકો કરવા ચાહે છે, આ લોકો દૂરની ગુમરાહીમાં છે.

وَ مَاۤ اَرْسَلْنَا مِنْ رَّسُوْلٍ اِلَّا بِلِسَانِ قَوْمِهٖ لِیُبَیِّنَ لَهُمْ ؕ فَیُضِلُّ اللّٰهُ مَنْ یَّشَآءُ وَ یَهْدِیْ مَنْ یَّشَآءُ ؕ وَ هُوَ الْعَزِیْزُ الْحَكِیْمُ (4)

(૪) અને અમે દરેક નબીને તેમની કોમની ભાષામાં જ મોકલ્યા છે જેથી એમના સામે સ્પષ્ટ રીતે વર્ણન કરી દે, હવે અલ્લાહ જેને ચાહે ભટકાવી દે અને જેને ચાહે માર્ગ દેખાડી દે, તે જબરજસ્ત હિકમતવાળો છે.

وَ لَقَدْ اَرْسَلْنَا مُوْسٰى بِاٰیٰتِنَاۤ اَنْ اَخْرِجْ قَوْمَكَ مِنَ الظُّلُمٰتِ اِلَى النُّوْرِ ۙ٥ وَ ذَكِّرْهُمْ بِاَیّٰىمِ اللّٰهِ ؕ اِنَّ فِیْ ذٰلِكَ لَاٰیٰتٍ لِّكُلِّ صَبَّارٍ شَكُوْرٍ (5)

(૫) (યાદ કરો કે) અમે મૂસાને અમારી નિશાનીઓ આપી મોકલ્યા કે તમે પોતાની કોમને અંધકારમાંથી કાઢી પ્રકાશમાં લાવો, અને તેમને અલ્લાહના ઉપકાર યાદ દેવડાવો, આમાં નિશાનીઓ છે દરેક સબ્ર કરનારાઓ અને આભાર માનનારાઓના માટે.

وَ اِذْ قَالَ مُوْسٰى لِقَوْمِهِ اذْكُرُوْا نِعْمَةَ اللّٰهِ عَلَیْكُمْ اِذْ اَنْجٰىكُمْ مِّنْ اٰلِ فِرْعَوْنَ یَسُوْمُوْنَكُمْ سُوْٓءَ الْعَذَابِ وَ یُذَبِّحُوْنَ اَبْنَآءَكُمْ وَ یَسْتَحْیُوْنَ نِسَآءَكُمْ ؕ وَ فِیْ ذٰلِكُمْ بَلَآءٌ مِّنْ رَّبِّكُمْ عَظِیْمٌ ۧ (6)

(૬) અને જે સમયે મૂસાએ પોતાની કોમને કહ્યું કે, “અલ્લાહના તે ઉપકાર યાદ કરો જે તેણે તમારા ઉપર કર્યા છે, જ્યારે કે તેણે તમને ફિરઔનના સાથીઓથી આઝાદ કર્યા, જે તમને ઘણું દુઃખ પહોંચાડતા હતા, તમારા પુત્રોને કતલ કરતા હતા અને તમારી પુત્રીઓને જીવતી છોડી દેતા હતા, આમાં તમારા રબ તરફથી તમારા પર ઘણી મોટી અજમાયશ હતી. (ع-૧)