Surah An-Nahl

وَلَوۡ يُؤَاخِذُ اللّٰهُ النَّاسَ بِظُلۡمِهِمۡ مَّا تَرَكَ عَلَيۡهَا مِنۡ دَآبَّةٍ وَّلٰـكِنۡ يُّؤَخِّرُهُمۡ اِلٰٓى اَجَلٍ مُّسَمًّى​​ۚ فَاِذَا جَآءَ اَجَلُهُمۡ لَا يَسۡتَـاۡخِرُوۡنَ سَاعَةً​ وَّلَا يَسۡتَقۡدِمُوۡنَ‏‏ ‏‏‏۝٦١

(૬૧) અને જો લોકોના ગુનાહો પર અલ્લાહ તેમની પકડ કરતો તો ધરતી પર એક પણ જીવ ન બચતો, પરંતુ તે તો તેમને એક નિશ્ચિત સમય સુધી ઢીલ આપે છે, પછી જ્યારે તેમનો તે સમય આવી જાય છે તો તેઓ એક ક્ષણ પાછળ નથી રહી શકતા અને ન આગળ વધી શકે છે.

وَيَجۡعَلُوۡنَ لِلّٰهِ مَا يَكۡرَهُوۡنَ وَتَصِفُ اَلۡسِنَـتُهُمُ الۡـكَذِبَ اَنَّ لَهُمُ الۡحُسۡنٰى​ؕ لَا جَرَمَ اَنَّ لَهُمُ النَّارَ وَ اَنَّهُمۡ مُّفۡرَطُوۡنَ‏‏ ‏‏‏۝٦٢

(૬૨) અને તેઓ પોતાના માટે જે નાપસંદ સમજે છે તેને અલ્લાહ માટે સાબિત કરે છે અને તેમની જીભો જૂઠી વાતોને વર્ણન કરે છે કે તેમના માટે સારું જ સારું છે (નહિં નહિં) હકીક્તમાં તેમના માટે આગ છે અને તેઓ જહન્નમવાસીઓના આગેવાન છે.

تَاللّٰهِ لَـقَدۡ اَرۡسَلۡنَاۤ اِلٰٓى اُمَمٍ مِّنۡ قَبۡلِكَ فَزَيَّنَ لَهُمُ الشَّيۡطٰنُ اَعۡمَالَهُمۡ فَهُوَ وَلِيُّهُمُ الۡيَوۡمَ وَلَهُمۡ عَذَابٌ اَلِيۡمٌ ‏‏‏۝٦٣

(૬૩) અલ્લાહના સોગંધ ! અમે તમારાથી પહેલાની ઉમ્મતો તરફ પણ (અમારા રસૂલ) મોકલ્યા, પરંતુ શેતાને તેમની બૂરાઈઓને તેમની નજરમાં સારી બતાવી, તે શેતાન આજે પણ તેમનો દોસ્ત બનેલો છે અને તેમના માટે પીડાકારી સજા છે.

وَمَاۤ اَنۡزَلۡنَا عَلَيۡكَ الۡـكِتٰبَ اِلَّا لِتُبَيِّنَ لَهُمُ الَّذِى اخۡتَلَـفُوۡا فِيۡهِ​ۙ وَهُدًى وَّرَحۡمَةً لِّـقَوۡمٍ يُّؤۡمِنُوۡنَ‏‏‏ ‏‏‏۝٦٤

(૬૪) અને આ કિતાબને અમે તમારા પર એટલા માટે ઉતારી છે કે તમે તે દરેક વાતને સ્પષ્ટ કરી દો જેમાં તેઓ મતભેદ કરી રહ્યા છે, અને માર્ગદર્શન અને કૃપા છે ઈમાનવાળાઓ માટે

وَاللّٰهُ اَنۡزَلَ مِنَ السَّمَآءِ مَآءً فَاَحۡيَا بِهِ الۡاَرۡضَ بَعۡدَ مَوۡتِهَا​ؕ اِنَّ فِىۡ ذٰ لِكَ لَاٰيَةً لِّقَوۡمٍ يَّسۡمَعُوۡنَ‏‏‏‏ ‏‏۝٦٥ع

(૬૫) અને અલ્લાહ (તઆલા) આકાશમાંથી વરસાદ વરસાવી તેના વડે ધરતીને તેના મૃત્યુ પછી જીવતી કરી દે છે. બેશક આમાં એ લોકો માટે નિશાની છે જેઓ સાંભળે છે. (ع-૮)